Home Imikino Abirabura bahushije penaliti z’Ubwongereza mu mazi abira

Abirabura bahushije penaliti z’Ubwongereza mu mazi abira

0

Ishyirahamwe ry’umupira w’amaguru mu Bwongereza (FA) ryamaganye irondaruhu ryibasiye abakinnyi b’ikipe y’igihugu Marcus Rashford, Jadon Sancho na Bukayo Saka, nyuma yuko butsinzwe n’Ubutaliyani ku cyumweru ku mukino wa nyuma wa Euro 2020.

Abo bakinnyi bose bahushije penaliti ubwo ikipe yabo yatsindwaga kuri penaliti 3-2, bakibasirwa ku mbuga nkoranyambaga nyuma y’uwo mukino.

Polisi y’Ubwongereza yavuze ko irimo gukora iperereza kuri iryo hohoterwa, ivuga ko “ritazihanganirwa”.

FA yavuze ko “ibabajwe bikomeye” n’iryo hohoterwa.

Abakinnyi b’Ubwongereza bagiye bakora ikimenyetso cyo gupfukama mbere y’imikino ya Euro, mu kugaragaza ko bamagana ubusumbune bushingiye ku moko.

Mu itangazo yasohoye, FA yagize iti: “Ntidushobora kubisobanura neza bihagije ko umuntu uwo ari we wese uri inyuma y’imyitwarire nk’iyi iteye ishozi adahawe ikaze mu gukurikira ikipe”.

“Tuzakora uko dushoboye kose mu gufasha abakinnyi bagizweho ingaruka mu gihe dushishikariza ko hafatwa ibihano bikomeye cyane bishoboka kuri buri muntu wese wabigizemo uruhare”.

“Tuzakomeza gukora icyo ari cyo cyose dushoboye ngo duce burundu ivangura mu mukino, ariko twinginze leta ngo igire icyo ikora byihuse ishyireho itegeko rikwiye kugira ngo iri hohoterwa rihure n’ingaruka mu buzima busanzwe”.

“Kompanyi z’imbuga nkoranyambaga zikwiye kongera umuhate no kwirengera zikagira icyo zikora mu guca ku mbuga abakora ihohotera, zigakusanya gihamya ishobora gutuma bakurikiranwa mu nkiko ndetse zigafasha mu gutuma imbuga zazo zitarangwaho iri hohoterwa riteye ishozi”.

Hagati aho, Minisitiri w’intebe w’Ubwongereza Boris Johnson yanditse kuri Twitter ko iyi kipe y’igihugu “ikwiye gushimwa nk’intwari, aho gukorerwa irondaruhu ku mbuga nkoranyambaga”.

Ati: “Abagize uruhare muri iri hohotera ribi cyane bikwiye kubatera isoni”.Tambuka Twitter ubutumwa, 1

This England team deserve to be lauded as heroes, not racially abused on social media.

Those responsible for this appalling abuse should be ashamed of themselves.— Boris Johnson (@BorisJohnson) July 12, 2021

Mu kwezi kwa gatanu, Rashford yakomoje ku ihohoterwa yakorewe ku mbuga nkoranyambaga nyuma yuko ikipe ye ya Manchester United itsinzwe ku mukino wa nyuma wa Europa League.

No mu mwaka ushize, Sancho yari umwe mu bakinnyi bamaganye irondaruhu nyuma yuko George Floyd yishwe n’umupolisi mu mujyi wa Minneapolis muri Amerika.

Kompanyi z’imbuga nkoranyambaga zanenzwe kuba zibonwa nkaho nta cyo zikora ku ihohoterwa rishingiye ku irondaruhu rikorerwa ku mbuga zazo.

Mu kwezi kwa kane, Instagram yatangaje uburyo bwo gufasha abayikoresha guhita bayungurura bagashyira ku ruhande ubutumwa bw’ihohotera buvuye ku bantu badakurikira (follow) kuri uru rubuga.

Nyuma y’ingero zimwe z’ihohoterwa ku mbuga nkoranyambaga, mu kwezi kwa kane amakipe amwe, abakinnyi n’imiryango yita ku mikino bitabiriye igihe cy’iminsi ine bareka gukoresha imbuga nkoranyambaga.

Hari mu rwego rwo gushishikariza izo kompanyi gukaza umurego mu kurwanya irondaruhuru n’ihohotera rishingiye ku gitsina.

Facebook Comments Box
Sangiza abandi iyi nkuru................ share this story Partager
Previous articleMu Rwanda hari ubwoko butatu bwa Covid-19 butandukanye
Next articleUmwanda, serivisi mbi no kwihagararaho, Baho hospital yokejwe igitutu
Umunyamakuru w'umunyamwuga ubimazemo imyaka 8, yakoze amahugurwa atandukanye ariko itangazaakuru akora ryibanda cyane ku nkuru zicukumbuye, inkuru z'ubutabera n'uburenganzira bwa muntu. Asobanukiwe kandi Data Journalism.

LEAVE A REPLY

Please enter your comment!
Please enter your name here