Amatora ararimbanije muri Ghana aho batora perezida n’abadepite

Abanya Ghana biriwe mu bikorwa by’amatora aho barimo gutora perezida mushya n’abadepite 275.

Perezida usanzweho Nana Akufo-Addo  ahamnganye n’abandi cumi n’umwe bashaka kumuhagurutsa kuro iyi ntebe y’ubuperezida bw’iki gihugu cya Ghana yari asanzwe ayobora.

Nana Akufo-Addo arimo gushaka gutorerwa manda ya kabiri. Gusa mu bakandida 11 bahatanye, uhabwa amahirwe menshi yo kumuhigika ni John Mahama wigeze no kuba Perezida.

Aya ni amatora abaye ku nshuro ya munani kuva mu mwaka wa 1992 ubwo muri Ghana hasubiragaho demokarasi ishingiye ku mashyaka menshi. Ibiro by’itora byafunguye saa moya za mu gitondo ku isaha yo muri Ghana, bikaba byafunze saa kumi n’imwe z’umugoroba.

inkuru ya www.africanews.com  ivuga ko mbere yo gutangira igikorwa cyo gutora, akanama gashinzwe amatora muri iki gihugu kasabye ko habaho amahoro muri aya matora na nyuma yayo.

abaturage bo muri Ghana barenga miliyoni 17 ni bo bemerewe gutora muri aya matora.

Ingamba zo kwirinda Covid-19 zirimo gukurikizwa bikomeye. Abatambaye ku buryo abatsmbaye udupfukamunwa batemererwa gutora. Abantu banagiriwe inama yo guhita basubira mu ngo zabo nyuma yo gutora.

Kuva mu mwaka wa 1992, Ghana imaze gutegekwa n’abaperezida batanu no guhererekanya ubutegetsi inshuro eshatu. Ifatwa nka kimwe mu bihugu birangwamo demokarasi cyane muri Afurika y’uburengerazuba.

Mporebuke Noel

 

Facebook Comments Box
Sangiza abandi iyi nkuru................

Leave a Reply

Your email address will not be published. Required fields are marked *