Inama nkuru y’imikino muri Kenya ( council of Sports CS) yasheshe komite nyobozi y’ishyirahamwe ry’umupira w’amaguru muri iki Gihugu ishyiraho komite nshya iyisimbura izakora amazi 6 y’agateganyo mu bikorwa bizibanda mu gukora iperereza kuri komite basimbuye.
Inama nkuru y’imikino Council of sports, muri Kenya ikuriwe na minisitiri w’imikino Amina, niyo yafashe iki cyemezo kuri uyu wa kane. iki cyemezo gifashwe nyuma y’iminsi hari gukorwa igenzura ry’umutungo mu ishyirahamwe ry’umupira w’amaguru ry’iki Gihugu FKF. Iyi raporo yashyukirijwe iyi nama nkuru y’imikino ihita ifata iki cyemezo.
Iki cyemezo gifashwe mu gihe ikipe y’igihgu iri kwitegura imikino yo guhatanira kujya mu Gikombe cy’Isi cya Qatar 2022. Mu mikino Kenya iri kwitegura harimo n’uzayihuza n’Amavubi y’u Rwanda mu mpera z’iki cyumweru.
Minisitiri wa Siporo akaba n’umuyobozi w’inama nkuru y’imikino Amina, yasabye impuzamashyirahamwe y’umupira w’amaguru ku isi FIFA, kutihutira guhagarika iki gihugu kubera uyu mwanzuro ahubwo bagafatanya” Gukura umwanda mu mupira w’amaguru wa Kenya.”
Ubusanzwe ishyirahamwe ry’umupira w’amaguru ku Isi FIFA, rihita rihagarika igihugu cyose mu banyamuryango bacyo mu gihe inzego z’ubutegetsi zivanze mu miyoborere y’umupira w’amaguru.
