Hari abanyarwanda bashobora gukingirwa ku nshuro ya 3 Covid-19

Minisiteri y’ubuzima yatangaje ko bishoboka cyane ko mu Rwanda hatangwa urukingo rwa 3 rwa Covid-19 mu gihe byagaragara ko ubudahangarwa bw’abahawe inking 2 bwagabanutse.

Minisitiri w’Ubuzima Dr. Daniel Ngamije avuga ko guhabwa urukingo rwa gatatu ku wakingiwe kabiri bishoboka cyane igihe cyose bizagaragara ko ubudahagarwa bw’umubiri we bwagabanutse cyane.

Ati “ Uko iminsi itambuka ni ko tugenda dusuzuma ubudahangarwa mu mubiri kugira ngo turebe uko bumeze, nibigaragara ko hari benshi ubudahangarwa burimo kugenda bugabanuka wenda nyuma y’amezi nk’atandatu, nibiba ngombwa ko tugira abo twongera guha urukingo rwa gatatu cyane cyane mu bakuze, mu bafite indwara za karande, rwose nk’uko dusanzwe tubitangaza ayo makuru azamenyekana, tubashakishe kuko tubafite mu bitabo byacu, ku buryo twabatumaho bakajya ku kigo nderabuzima kibegereye urwo rukingo rwa gatatu bakarubona”.

Ubushakashatasi bugaragaza ko uwahawe urukingo rwa 3 rwa Covid-19, ubudahangarwa bwe burazamuka kurusha inkingo ebyiri yabonye mbere, bikaba ari ikimenyetso gishobora kwerekana ko ubwo budahangarwa ahawe n’urukingo rwa gatatu bushobora kumara igihe kirekire kurusha icya mbere.

Kugeza ubu mu Rwanda abamaze guhabwa doze ebyiri z’inkingo za Covid-19 bari hejuru ya miliyoni ebyiri mu gihe abamaze guhabwa doze imwe barenga miliyoni enye.

Urukingo rwa gatatu rwa covid-19 ruramutse rutanzwe, u Rwanda rwaba rubaye igihugu cya gatatu ku isi gitanze uru rukingo nyuma ya Leta zunze ubumwe za Amerika na Israel kuko bari bamaze gusanga ubudahangarwa bw’abahawe inkingo ebyiri bwari bumaze kuva kuri 90% bukagera kuri 60%.

Ibi bihugu byatanze urukingo rwa gatatu gusa ku bafashe inking ebyiri zo mu bwoko bwa Pfizer, mu gihe abafashe izindi nkingo nka AstraZeneca, n’izindi bo nta rukingo rwa gatatu bigeze bahabwa. Hari urukingo rwa Moderna rwo abaruafshe bafata doze imwe y’urukingo kuko iba ihagije .

U Rwanda rutanga inking z’ubwo butandukanye ku baturage zirimo, Sino Pharm y’abashinwa, Pfizer, Moderna na Astrazeneca. Kugeza ubu abarenga miliyoni enye z’abaturarwanda abamaze kubona doze imwe y’urukingo mu gihe abarenga miliyoni ebyiri nabob amaze kubona doze ebyiri zemewe n’ishami ry’umuryango w’abibumbye.

Facebook Comments Box
Sangiza abandi iyi nkuru................

Leave a Reply

Your email address will not be published. Required fields are marked *