Inkingo za Covid-19 zirenga ibihumbi 16 zigiye kwangizwa kubwo kurenza igihe

Minisitiri w’ubuzima yavuze ko guverinoma ya Malawi igiye kwangiza inkingo zirenga 16,000 Covid-19 zarangije igihe kuko italiki ntarengwa yo kuba zaratewe abantu yageze zikiri mu bubiko.

Inkingo zarangije igihe zari mu 102.000 zoherejwe iki gihugu zivuye mu muryango w’ubumwe bw’Afurika Yunze ubumwe (AU) mu byumweru bitatu bishize.

Mu magambo ye, Charles Mwansambo yagize ati: “Twakoresheje inkingo nyinshi zoherejwe na AU. Ku wa kabiri, umunsi zagombaga kurangiriraho, hasigaye 16.400 gusa zitarakoreshwa, ubu zizangizwa kandi zijugunywe.”

Malawi kugeza ubu imaze kubona inkingo 530.000 yahawe binyuze muri gahunda ya Covax  , AU na guverinoma y’Ubuhinde.

Minisiteri y’ubuzima ivuga ko kugeza ubu abantu 300.000 bakingiwe kandi bizeye kuzakingira abantu bagera kuri miliyoni 11 kugira ngo “barindwe bihagije”, nk’uko AFP ibitangaza.

Facebook Comments Box
Sangiza abandi iyi nkuru................

Leave a Reply

Your email address will not be published. Required fields are marked *