Abakozi batatu ba Sacco “isoko y’amajyambere mukamira”, barimo abagabo babiri n’umugore umwe bakurikiranwe n’urwego rw’Igihugu rw’ubugenzacyaha bakekwaho kunyereza umutungo w’iyi Sacco urenga miliyoi 18.
Ndizihiwe Epimaque w’imyaka 39 usanzwe ari umucungamari w’iyi Sacco, n’abandi bakozi babiri b’iyo SACCO, ari bo Nshizirungu Justin w’imyaka 34 na Kayitesi Espérence w’imyaka 31. Nibo bafungiwe kuri sitasiyo ya polisi ya Mukamira bashinjwa kunyereza 18,259,010 FRW. Aya amafaraga bikekwako bayanyereje hagati y;umwaka wo 2018 na 2021.
Yavuze ko ibyo byabereye aho iyo SACCO Mukamira iherereye mu Mudugudu wa Kazibake, Akagari ka Bugeshi, Umurenge wa Mukamira, Akarere ka Nyabihu.
Nk’uko Dr. Murangira akomeza abivuga, icyaha abo bakozi ba SACCO Mukamira bakurikiranyweho cyo kunyereza umutungo, gihanwa n’ingingo ya 10 y’itegeko N°54/2018 ryo kuwa 13/08/2018 ryerekeye kurwanya ruswa.
Uhamwe n’icyo cyaha ahanishwa igifungo kitari munsi y’imyaka irindwi (7) ariko kitarenze imyaka icumi (10), n’amafaranga y’u Rwanda yikubye inshuro kuva kuri eshatu (3) kugeza kuri eshanu (5) z’agaciro k’umutungo yanyereje.
