Perezida wa Tanzaniya, Samia Suluhu, yavuguruye guverinoma ye yirukanamo batatu bari basanzwemo anashyiraho umushinjacyaha mukuru mushya anashyiraho bwambere mu mateka y’iki gihugu minsitiri w’ingabo w’umugore.
Abirukanwe ni Minisitiri w’itumanaho Faustine Ndugulile, Leonard Chamuriho (tubwikorezi) na Medard Kalemani (ingufu).
Perezida Suluhu yagaruye Janvier Makamba wari minisitiri ku ngoma ya nyakwigendera Perezida John Magufuli.
Bwana Makamba ubu azayobora minisiteri ishinzwe ingufu.
Minisitiri w’ingabo, Elias Kwandikwa yapfuye muri Kanama ubu minisiteri yayoboraga ifite umuyobozi mushya.
Stergomena Tax abaye umugore wa mbere uyoboye minisiteri y’ingabo.
Perezida yashyizeho umucamanza Eliezer Feleshi nk’umushinjacyaha mukuru mushya wo gusimbura Adelardus Kilangi wagizwe ambasaderi.
