Sudani: Jenerali Burhan yatangaje ibihe bidasanzwe mu gihugu

1. Umuyobozi wa gisirikare Gen Burhan yatangaje ibihe bidasanzwe mu gihugu nyuma yo gufunga minisitiri w’intebe.

2. Uyu muyobozi wa Gisirikare yanasheshe inama ya yoboraga inzibacyuho

3. Abasirikare bitwaje intwaro boherejwe mu murwa mukuru wa Sudani mu guhosha imyigaragambyo yatewe n’iri hirikwa ry’ubutegetsi.

4. Bivugwa ko abasirikare bigaruriye Televiziyo y’Igihugu kandi ikibuga cy’indege cya Khartoum nacyo cyafashwe n’abasirikare.

8. Interineti yafunzwe mu murwa mukuru kandi amashusho yagiye agaragaza imbaga y’abantu barakaye batwika amapine mu mihanda

6. Minisitiri w’intebe  Abdallah Hamdok n’abandi ba  minisitiri nibura bane bari mu bakekwa ko bafunzwe n’aigisirikare.

Urubuga rwa minisiteri ishinzwe amakuru ruvuga ko Bwana Hamdok yahamagariye abantu gukora imyigaragambyo yo kwamagana igisirikare

9. Amerika ivuga ko ‘ihangayikishijwe cyane’ na raporo z’ubutegetsi bwa gisirikare muri Sudani

Abagabo bitwaje intwaro bafungiye mu ngo zabo bamwe mu bagize leta y’inzibacyuho muri Sudan, nk’uko amakuru avayo abivuga.

Mu gitondo kare kare kuwa mbere, nibura bane mu bagize guverinoma bafunzwe n’abasirikare bataramenyakana.

Hari amakuru avuga ko minisitiri w’intebe w’umusivile Abdallah Hamdok nawe yafunzwe, ariko ibi ntibiremezwa.

Ntiharamenyekana kandi uwategetse uku gufungwa. Igisirikare ntacyo kiravuga kuri aya makuru.

Abaturage baho bavuga ko internet yakuweho mu murwa mukuru, Khartoum, mu gihe hari amafoto yashyizwe ku mbuga nkoranyambaga yerekena abaturage barakaye batwika amapine n’amabendera mu mihanda.

Abasirikare bafite intwaro zikomeye n’abandi bashinzwe umutekano boherejwe ku mihanda ya Khartoum, bari kubuza abasivile kugendagenda mu mujyi.

Ibiro ntaramakuru AFP bivuga ko abasirikare bambaye impuzankano zabo bafunze imihanda mikuru yerekeza mu murwa mukuru

Amatsinda aharanira demokarasi muri Sudan yahamagariye abayashyigikiye kuza bakarwanya “coup d’etat ya gisirikare” iyo ariyo yose.

Uku gufungwa kw’abategetsi biravugwa nyuma y’ubushyamirane bumaze iminsi hagati y’abategetsi ba gisirikare n’abagisivile bakuriye inzibacyuho.

Nyuma yo gukura Omar al-Bashir ku butegetsi abasirikare bategetse ko bafatanya gutegeka na Minisitiri w'intebe Abdalla Hamdok
Nyuma yo gukuraho Omar al-Bashir mu 2019 abasirikare bategetse ko bafatanya gutegeka na Minisitiri w’intebe Abdalla Hamdok

Impande zombi zisangiye ubutegetsi kuva bahirika uwari perezida Omar al-Bashir mu 2019.

Ariko ubushyamirane bwariyongereye kuva mu kwezi kwa cyenda ubwo abashyigikiye Bashir bashinjwe kugerageza coup igapfuba.

Mu ntangiriro z’uku kwezi, abadashyigikiye inzibacyuho bagiye mu mihanda ya Khartoum basaba ingabo gufata ubutegetsi.

Ku wa kane, abantu ibihumbi nabo barigaragambije i Khartoum bashyigikiye leta y’inzibacyuho iri ku butegetsi.

Ubukungu bw’iki gihugu bumaze igihe bwarazambye.

Mbere, Sudan yagize coups zigera kuri 15 – eshanu muri zo zagezweho. Iheruka ni iyo mu 2019 yahiritse Omar al-Bashir yakurikiwe n’imyigaragambyo yari imaze amezi.

Facebook Comments Box
Sangiza abandi iyi nkuru................

Leave a Reply

Your email address will not be published. Required fields are marked *