Umuvugizi wa ambasade y’Ubushinwa mu Rwanda avuga ko iyi ambasade irakomeza gukurikirana ikibazo cy’umuturage w’Ubushinwa wahamijwe n’inkiko z’u Rwanda icyaha cy’iyica rubuzo agakatirwa gufungwa imyaka 20.
Iyi ambasade mu itangazo yashyizehanze ivuga ko ihora ishishikariza abaturage b’Ubushinwa bari mu Rwanda gukurikiza amategeko y’Igihugu barimo ari nayo mpamvu isaba ko umuturage wayo aburanishwa mu buryo bukwiye kandi buboneye ikanasaba ko uburenganzira bw’umuturage wabwo bwubahirizwa uko bwagakwiye.
Iri tangazo rikomeza rivuga ko Ubushinwa bugishishikajwe no guteza imbere umubano w’Ibihug byombi n’imibanire y’abaturage babwo.
Mu ntangiriro z’iki cyumweru nibwo Urukiko Rwisumbuye rwa Karongi rwahanishije Umushinwa Shujun Sun igihano cy’igifungo cy’imyaka 20 nyuma yo kumuhamya icyaha cy’iyicarubozo yakoreye abakozi be abashinja kumwiba amabuye y’agaciro. Uyu mushinwa yahawe iminsi 30 yo kujuririra iki cyemezo cy’urukiko.
