Uganda yugarijwe na Covid-19 yongeye gufunga amashuri inahagarika ingendo

Perezida wa Uganda, Yoweri Museveni, yahagaritse amashuri n’amateraniro rusange kubera ko igihugu gifite ubwiyongere bukabije mu muhengeri wa kabiri wa Covid-19.

Gutwara abantu hagati y’uturere bizahagarikwa guhera ku wa kane kugira ngo abanyeshuri babanze basubire iwabo.

Utubari, sinema n’izindi nzu z’imyidagaduro nabyo byafunzwe.

Guhagarika amashuri n’ibiterane biratangira gukurikizwa guhera kuri uyu wa mbere kandi bimara iminsi 42.

Amashuri menshi yari yatangaje ko abanyeshuri benshi n’abakozi bayo  banduye Covid-19   bikaba aribyo byateye iryo hagarikwa.

Ibi byatangajwe nyuma y’amasaha make minisiteri y’ubuzima itangaje abantu 1.259 banduye Covid-19. Umubare munini w’ubwandu ku munsi umwe kuva iki cyorezxo cyagera mu gihugu kuri iki cyumweru kandi hanapfuye abantu icyenda bahitanywe n’iki cyorezo.

Ubwiyongere bw’abanduye coronavirus bwatangajwe mu byumweru bibiri bishize kandi abayobozi batekereje gufata ingamba zikomeye zirimo gufanga amashuri kugirango ibigo nderabuzima n’amavuriro bitarengeranwa n’indembe.

Ibitaro by’igihugu  bya Mulago byatangaje ko mu cyumweru gishize byakiriye abarwayi benshi ba Covid-19, bavuga ko bigomba kongererwa ubushobozi bw’ibitanda.

Uganda ifite abarwayi 52.929 barwaye coronavirus na 374 yahitanye kugeza ubu.

Facebook Comments Box
Sangiza abandi iyi nkuru................

Leave a Reply

Your email address will not be published. Required fields are marked *