Bwana Paul Rusesabagina, yabwiye ikinyamakuru cyo muri Amerika the NewYorkTimes ko yahombaga kujya IBurundi, akisanga ari i Kigali akikijwe n’abasirikari b’u Rwanda.
Nubwo byagaragaye ko icyo ikiganiro cyatanze umucyo ku kibazo cye, ikibazo cya Bwana Rusesabagina kiracyarimo urujijo.
Ntiyashoboye kuvuga nk’urugero, uko byamugendekeye mu minsi itatu hagati yo kuzanwa mu ndege yavuye i Dubai no kongera kugaragara i Kigali.
Rusesabagina agira ati: “Nibyo, najyanywe ahantu runaka. Sinzi aho aho ariho. Nari mpambiriwe ukuguru, amaboko, mfutse mu maso. Ntacyo nashoboraga kubona. Sinzi aho nari ndi. ”
Abajijwe niba yarabajijwe, Bwana Rusesabagina yagize ati: “Ntabwo ari byinshi.” Asabwe gusobanura byinshi, yagize ati: “Oya, si byo. Nta muntu wigeze ambaza. Yego. ”
Nk’uko ikinyamakuru NewYork Times gikomeza kibitangaza, ngo Intwari yo muri ‘Hotel Rwanda’, mu kiganiro cyabereye muri Gereza, avuga uko yashutswe agatabwa muri yombi.
Uburundi, igihugu cya 3 gisizwe mu majwi.
Nyuma y’amakuru ateremejwe n’urwego na rumwe yiswe “Hotel Rwanda part2”, yavugaga ko Rusesabagina yari aziko agiye guhura na ba perezida babiri, uw’a Zambiya nsetse n’uw’Ubugande.
Paul Rusesabagina, waburiwe irengero ageze i Dubai mu kwezi gushize kwa Kanama nyuma akaza kwisanga afungiwe mu Rwanda, we yemeje ko avuga ko yari azi ko ajyanwe mu Burundi kugira ngo avugane n’amatsinda y’amatorero.
Inkuru y’iki kinyamakuru ikomeza ivuga ko uwahoze ari umunyamahoteri washimiwe ko ari intwari mu gihe cya jenoside yo mu Rwanda yo mu 1994 avuga ko yashutswe n’abayobozi b’u Rwanda mu kumugarura mu gihugu cye mu kwezi gushize aho ashinjwa iterabwoba n’ubwicanyi, akaba yarinjiye mu ndege yatekerezaga ko igiye mu Burundi.
Ku wa kabiri tariki ya 15, Paul Rusesabagina, ubwo inkuru ye mu gihe cya Genocide yifashishijwe muri filime“Hotel Rwanda,” yabitangaje mu kiganiro yagiranye n’ikinyamakuru The New York Times(abayobozi ba leta bari bateze amatwi iki kiganiro) ku cyicaro gikuru cya Polisi cya Kigali, aho amaze ibyumweru birenga bibiri.
Bwana Rusesabagina, ufite imyaka 66, wamenyekanye anenga guverinoma yabaga mu buhungiro muri Leta ya Texas, yavuze ko mu minsi ye ya mbere yari ari mu maboko y’inzego z’ubutasi bw’u Rwanda, agakomeza gufungwa kandi ko atari azi aho ari. Yavuze ko ubuzima bwe bwitaweho kuva icyo gihe ahabwa ubuvuzi akeneye.
Bwana Rusesabagina yavuze ko atanga ikiganiro ku bushake, ariko bigaragara ko yavugaga ku gahato.
Dore uko yatawe muri yombi
Mu kiganiro cyemejwe na guverinoma, Bwana Rusesabagina yatanze inkuru y’ukuntu yaje kuzimirira ku kibuga cy’indege i Dubai, hanyuma akagaragara mu mapingu nyuma y’iminsi mike i Kigali, umurwa mukuru w’u Rwanda. Ariko inkuru ye yanazamuye ibibazo byinshi kubyerekeranye n’uburyo yabuze, ibyo bikaba byarateje impagarara, kubera ko ari umuntu wamenyekanye cyane muri firime.
Bwana Rusesabagina, umaze imyaka myinshi aba mu Bubiligi no muri Amerika, yavuze ko yatekereje ko indege bwite yari yuriye i Dubai yerekezaga i Bujumbura, mu Burundi, aho yateganyaga kuvugana n’amatorero ku butumire bwa pasiteri waho.
Yavuze ko ubwo yasohokaga hanze y’indege ikimara kugwa mu masaha yabanjirije itariki ya 29 Kanama, yari akikijwe n’abasirikare b’u Rwanda maze amenya ko atari mu Burundi ahubwo ko ari mu Rwanda ruturanyi, aho yaherukaga mu myaka 16 ishize. Yavuze ko byamutunguye.
Abajijwe uko yabyakiriye, Bwana Rusesabagina yagize ati: “Tekereza uko wakumva umeze uramutse wisanze aho utagombaga kuba uri.”
Uko Leta ibona ikibazo cya Rusesabagina, uko umuryango we ubibona,…
Ikibazo cya Bwana Rusesabagina cyafashe indi ntera nyuma y’icyumweru kimwe gusa Perezida Paul Kagame w’u Rwanda, ataragira icyo avuga ku ifatwa rye, yaza akavuga ko yashutswe ngo agaruke “ashingiye ku byo yemera n’ibyo yashakaga gukora.”
Umuryango wa Bwana Rusesabagina ushimangira ko atari kugira ubushake bwo kugaruka mu Rwanda. Bashinja guverinoma ya Kagame ko yamushimutiye i Dubai, kandi basaba kumenya byinshi ku bijyanye n’uko gushimutwa kwe.
Guverinoma y’u Rwanda yari imaze nibura imyaka icumi igerageza gufata Bwana Rusesabagina, wamenyekanye cyane muri filime yo mu 2004, yakinwe n’umukinnyi Don Cheadle.
Hirya no hino ku isi, Bwana Rusesabagina ni intwari yashyize ubuzima bwe mu kaga kugira ngo ahungishe Abanyarwanda barenga 1.200 bahigwaga kugira ngo bicwe.
Yabonye umudari w’umudendezo wa Perezida awuhawe na Perezida George W. Bush mu 2005.
Guverinoma y’u Rwanda, nubwo imwita umwanzi ushyigikiye imitwe irwanya leta, yagabye ibitero ku Rwanda.
Ku wa mbere tariki ya 14, urukiko i Kigali rwamushinje ibirego 13 birimo iterabwoba, ubufatanyacyaha mu gushimuta no kwica no gushinga umutwe w’inyeshyamba.
Ku wa kane tariki ya 17 Nzeri, yangiwe ingwate ndetse ananzurirwa gufungwa byibuze indi minsi 30.
Abashyigikiye Bwana Rusesabagina bavuga ko Perezida Kagame, utihanganira kutavuga rumwe mu gihugu cye, ashaka gukuraho uruhande rushobora guhangana nawe muri politiki.
Icyo avuga kubyo ashinjwa
Bwana Rusesabagina muri iki kiganiro yavuze ko ari umwere ku byaha aregwa.
Ikiganiro cyakorewe mu cyumba Bwana Rusesabagina afungiyemo, ahantu heza, hasukuye hari igitanda kiriho inzitiramubu.
Bwana Rusesabagina yari yambaye ipantaro ya kaki, ijaketi kandi yari yambaye isaha ya zahabu.
Abakurikiranye urubanza bumvise abamwunganira bombi, guverinoma ivuga ko yabahisemo ku rutonde bamuhaye ifatanije n’abayobozi bo mu biro bishinzwe iperereza mu Rwanda na polisi, yari yambaye imyenda ya gisivili.
Rusesabagina yatanze ubutumwa ku muryango we
Umuryango wa Bwana Rusesabagina wavuze mu biganiro byabaye mbere ko habaho urubanza, ko bashakishije abandi banyamategeko mu Rwanda ariko ntibemererwa na Leta kumubona.
Gusa yakuyeho impungenge z’umuryango we ku bijyanye no kumuhagararira, agira ati: “Nahisemo abunganizi banjye kandi ndabyishimiye. Ariko umuryango wanjye ntubizi. ”
Ubuzima bwa Rusesabagina ntibworohewe.
Bwana Rusesabagina yavuze ko afite umuvuduko ukabije w’amaraso kandi ko abayobozi b’u Rwanda bamwoherereza abaganga bo kumwitaho.
Ati: “Abantu benshi baraza, bakanganiriza. Ndetse rimwe na rimwe basukura icyumba cyanjye. Bampa ibiryo, ni abagwaneza cyane. Ibintu byose byagenze neza. Kugeza ubu, ni byiza cyane. ”
