Amafoto: Imodoka itwara abagenzi yagonzwe n’ikamyo irangirika

Mu gitondo cyo kuri uyu wa kabili taliiki ya 2 Kanama 2022, mu Karere ka Rubavu habereye impanuka y’imdoka itwara abagenzi muri rusange yagonganganye n’ikamyo itwara ibikomoka kuri Peteroli, polisi y’Igihugu ntiratangazaicyateye iyi mpanuka n’abaguye muri iyi mpanuka n’ubwo abakomerekeyemo bo bari kwitabwaho mu bitaro bya gisenyi

Iyo modoka ya Virunga yarimo iva mu mujyi wa Gisenyi yerekaza i Kigali ikaba yari ihagurutse saa yine zuzuye (10:00), ihura n’ikamyo ya Rubis itwaye lisansi bivugwa ko yabuze feri, imanuka yihuta cyane yinjira mu mujyi wa Gisenyi igonga iyo Coaster.

Ababonye impanuka iba bakeka ko ikamyo yabuze feri, naho abari mu modoka bakavuga ko hari abitabye Imana n’ubwo nta mubare uratangazwa, inkomere zikaba zajyanywe mu bitaro bya Gisenyi.

Ikigo cy’ighugu cy’itangazamakuru RBA, ku mbugankoranyambaga zacyo cyatangaje ko umushoferi w’iyi modoka itwara abagenzi n’abandi bantu babiri aribo cyamaze kumenya ko bitabye Imana.

I Rubavu ahazwi nko kwa Gacukiro habereye impanuka aho imodoka ya caoster ya sosiyete ya Virunga yavaga mu i Rubavu yerekeza i Kigali yagonganye n'ikamyo itwara ibikomoka kuri peteroli.

Amakuru y'ibanze aravuga ko abantu 3 barimo n umushoferi wa Virunga bahise bitaba Imana. pic.twitter.com/15yIhRMWkL
— Rwanda Broadcasting Agency (RBA) (@rbarwanda) August 2, 2022

Turacyabakurikiranira iyi nkuru

BUGIRIMFURA Rachid

Umunyamakuru w'umunyamwuga ubimazemo imyaka 8, yakoze amahugurwa atandukanye ariko itangazaakuru akora ryibanda cyane ku nkuru zicukumbuye, inkuru z'ubutabera n'uburenganzira bwa muntu. Asobanukiwe kandi Data Journalism.