Karungi Doreen
Akarere ka Bugesera ni kamwe mu Turere tubarizwamo indwara y’ibibembe byumwihariko mu Murenge wa Rweru ,nkuko ubushakashatsi bw‘‘ikigo cy’Igihugu cy’ubuzima RBC kibitangaza RBC bwabigaragaje.
Bizumungu Ernest, utuye mu Kagali ka Nemba mu Murenge wa Rweru, yavuzeko yarwaye indwara y’ibibembe muri 2005 akabimenya ayimaranye imyaka ine, ati: “urwaye iyi ndwara y’ibibembe ntapfa kubimenya ubona wazanye amabara kumuburi asa n’ayererutse kuburyo ushobora kuyitiranya n’ikibibi cyangwa amaribori, ntangira kwivuza mu kinyarwanda aho natakaje amafaranga asaga ibihumbi 580, ngirango nararozwe bandangira kwa muganga bambwirako iyo ndwara bayivura ,njyayo barasuzuma basanga ndwaye indwara y’ibibembe ntagira gufata imiti. Byabaye ngombwa ko bapima nu muryango wange basanga umugore wanjye arayirwaye nawe ahita yihutira gufata imiti kuko uyirwaye yakwanduza igihe ataratangira imiti inyobwa buri mezi atandatu kugeza ukize.”
Yakomeje avugako imiti yayinyweye igihe kingana n’imyaka ine abona gukira. Akaba ashimira abaganga bamuvuye agakira akaba anakangurira buri muntu wese wabona ibara kumuburi we ko yakwihutira kugana ikigo nderabuzima.
Byukusenge Ester, utuye mu Kagali ka Batima mu murenge wa Rweru, avuga ko yarwaye indwara y’ibibembe agituye mu kirwa cya mazane ati: “indwara y’ibibembe yamfashe ntuye mu kirwa cya mazane kuko hari imibare myinshi yabayirwaye, icyo gihe abaganga bakabavura bakanabashishikariza ko uzabona ibara ritari risanzwe kumubiriwe azihutira kujya kwa muganga n’uko nirebye nyibonaho ku kuguru nihutira kujya kwa muganga baransuzuma basanga ndayirwaye ntangira kunywa imiti nayinyweye amezi 18 ndakira.”
Rukundo Pierre Celestin, umuforomo ku kigo nderabuzima cya Nzangwa ushizwe serivise y’ibibembe n’igituntu asobanurako iyi ndwara yandurira mu mwuka kandi igenda igaragaza ibimenyetso buhoro buhoro.
Rukundo ati:”ibibembe ni indwara itinda kugaragaza ibimenyetso ushobora kumara umwaka urenga utarabibona kandi kuyirinda bikaba bigoye kuko yandurira mu mwuka kandi ibimenyetso byayo bigatinda kugaragara, aho uyirwaye iyo atinze kuyivuza usanga intoki zihinamirana n’ibirenge iyo watinze ukagerwaho n’ingaruka uravurwa ugakira ariko ingaruka zikagumaho”
Yakomeje avugako mu myaka 10 ishize abamaze gukira indwara y’ibibembe ari 29, abakirwaye akaba ari batanu bari ku miti, icyo avuga ni uko iyi ndwara ikira iyo uyivuje neza ugafata imiti kugihe ukanubahiriza inama za muganga.
Nshimiyimana Kizito, umukozi ushinzwe kurwanya indwara y’ibibembe mu ishami rishinzwe kurwanya igituntu n’izindi ndwara zandurira mu buhumenyekero muri RBC avuga ko ibibembe arindwara yandura kandi ikira ati:”ibibembe ubirwaye atinda kugaragaza ibimenyetso ukuye kubona akabara kumweru kakujeho ukaba wakwihutira kujya kwivuza itaragutera izindi ngaruka”
Raporo y’ikigo Cy’igihugu gishinzwe ubuzima RBC ya 2024, igaragaza ko abnatu 37 aribo barwaye indwara y’ibibembe kandi 29 muri bo bafite uburwayi bushya.
