Perezida wa Uganda, Yoweri Museveni, yatangaje ko umuhungu we, Jenerali Muhoozi Kainerugaba, atazongera kugira icyo avuga ku bibazo bya politiki y’imbere mu gihugu cyangwa politiki y’ibindi bihugu kuri Twitter.
Ibi bije bikurikira ibihe bibi Muhoozi aherutse guhurira nabyo ku mbuga nkoranyambaga mu byumweru bibiri bishize ubwo Gen Kainerugaba w’imyaka 48 yandikaga ku rubuga rwa twitter avuga ku gutera igihugu cy’abaturanyi cya Kenya no kwigarurira umurwa mukuru wacyo, Nairobi, bitamutwara ibyumweru bibiri.
Nyuma Perezida Museveni yasabye Abanyakenya “imbabazi” kubera tweet z’umuhunguwe Muhoozi. yahise akura umuhungu we ku mwanya w’ukuru w’ingabo ziwanira ku butaka n’ubwo yahise amuzamura mu ntera amugira Jenerali amukuye ku ipeti rya liyetena jenerali.
Kuri uyu wa mbere, Perezida Museveni yatangarije televiziyo yo muri Uganda ati: “Azava kuri Twitter. Turi kubiganiraho. Twitter ntabwo ari ikibazo. Ikibazo ni icyo mutangaza kuri twetter”.
Yongeyeho ati: “Kuvuga ku bindi bihugu na politiki y’amashyaka ya Uganda ni ikintu atagomba gukora kandi ntazabikora.”
Uyu muyobozi w’inararibonye yavuze ko umuhungu we afite uburenganzira b wo kwandika kuri Twitter “siporo cyangwa ingingo zitavugwaho rumwe”.
