Karungi Doreen
U Rwanda rurishimira ko umubare w’abarwara inzoka zo mu nda ugenda ugabanuka bijyanya n’uko ishami ry’umuryango w’abibumbye ryita kubuzima (OMS/WHO) washyize imbaraga mu kurwanya indwara zititabwaho zirimo n’inzoka zo mu nda.
Hakizimana Innocent wo mu karere ka Rubavu mu murenge wa Mudende,Akagali ka murindi akaba ari umujyanama w’ubuzima avuga ko abaturage bigishijwe kugira isuku nk’imwe mu mpamvu zitera iyi ndwara ndetse n’abadafite ubwihereroi bafashwa ku bwubaka banarekwa uko bakoresha ifumbire iva mu misarane ntibibagireho ingaruka yo kurwara indwara ziterwa n’umwanda.
Ati: ” usibye ibyo kandi ubu abaturage benshi bamaze kumenya ko iyo bavuye mu bwiherero bakaraba intoki n’amazi meza ndetse banifashisha amazi meza mu gutegura amafunguro yabo.”
Mukasine Gloriose wo mu murenge wa mudende yavuzeko bakoreshaga ifumbire yo mu musarane yarizwi ku izina rya SAVENTI yabateraga inzoka zo munda kuko uwo mwanda iyo uwufumbije ubufite amagi kubera gukandagira mu murima ni birenge no gukoramo ni intoki byabateraga inzoka cyane ko ngo bigishijweko ayo magi amara imyaka itanu mu murima atarashiramo bityo bigatuma ba ndwara inzoka zo munda.
Yavuzeko ubungubu ikibazo ki ndwara zo munda cyacitse aho bamenye gukoresha ifumbire mvaruganda kandi umusaruro ukiyongera buri muturage akaba afite ubwiherero banigishwa kugira isuku ihangije harimo gukaraba intoki mu gihe bavuye ku musarani no kunywa amazi atetse agashyirwa mugikoresho gifite isuku bityo byabarinze ku ndwara inzoka.
Umuyobozi wi kigo ndera buzima cya mudende cyo mu karere ka Rubavu, Valantine Mukaremera,yavuzeko bari bafite ikibazo cya barwayi b’inzoka zo munda cyaterwaga n’isuku idahagije ,gukoresha ifumbire yo mu misarane bityo bigatuma twakira abari hagati ya 60 na 70 mu kwezi bazaga kwivuza inzoka zo munda.
Yakomeje avugako RBC yaje yigisha abaturage uburyo bakwirinda inzoka zo munda ,barabyumva kugeza ubu zaragabanutse ku kigero cya 99% aho ubungubu dushobora twakira abaje ba rwaye inzoka zo munda ari 10 mu gihe cy’ukwezi ariko nabyo “biterwa n’amazi make dufite ariko nayo agiye kuboneka kuko birimo kwitabwaho”.
Hitiyaremye Nathan umukozi, mu gashami gashinzwe ku rwanya malaria n’indwara zititaweho uko bikwiye, yavuzeko ubushakashatsi bwakozwe n’ikigo Cy’igihungu gishinzwe ubuzima (RBC)2020 bugaragazako indwara y’inzoka zo munda uko zihagaze mu bantu bakuru bari hejuru y’imyaka 16 ubwiganze buri kuri 46.1% kubana kuva ku myaka 5-15 ubwiganze ku inzoka zomunda buri kuri 38.8% naho kuva ku mwaka 1-4 ari 30.2%. Muri rusange abafite inzoka zo munda mu Rwanda ni 38.7% zo mu bwoko bwa Teniya,igicuri,imidido,ibisazi by’imbwa,bilaliziyoze,ubuheri, inzoka zo mubihuru ni inzoka zo munda.
Hitiyaremye akomeza avugako inzoka zo munda zidaterwa n’umwanda wo mu musarane gusa ahubwo n’ahandi hose wahurira nawo nko kurya udakarabye, kuva mu musarane ntukarabe intoki ibyo byose ko byagutera inzoka zo munda, anasaba abantu bose kuzirinda bakoresha amazi meza bakaraba intoki no kunywa amazi atetse bityo kobizarushaho kugabanuka yagite ati”Intego u Rwanda rwihaye ni uko indwara zititabwaho zigomba kuba zarangiye muri 2030″.
