Minisitiri w’urubyiruko Utumatwishima Jean Nepo Abdallah, yasabye abari kuvuga ku mwanzuro w’urubnza rwa Ishimwe Dieudonne, uzwi nka Prince Kid kubiganiraho badashyizemo amarangamutima no kunenga inzego bakoresheje ubuhanga.
Ibi ministiri utumatwishima yabivuze abicishije ku rubuga rwe rwa Twitter, aho asanzwe aganirira cyane n’urubyiruko.
Urukiko rukuru rwahamije Prince Kid, ibyaha byo gukoresha undi imibonano mpuzabitsina ku gahato no gusaba cyangwa gukora ishimishamubiri rishingiye ku gitsina rumukatira igifungo cy’imyaka itanu.
Minisitiri Utumatwishima, yahamagariye abanyarwnada bari kuganira kuri uyu mwanzuro kwitwararika kuko “ Iyo hari icyemezo cyafatiwe inshuti yacu, tujye tuganira tuvanyemo amarangamutima (emotional maturity). Twirinde amakosa nk’ayo uwacu ari kubazwa. Tunenge inzego dukoresheje ubuhanga (scientific approach). Twirinde gufana no gushinjanya.”
Ibi bivuzwe mu gihe kumbugankoranyambaga hari ibiganiro byinshi bivuga ku gihano cyahawe Prince Kid. Hari abagaragaza amarangamutima n’impuhwe bamufitiye nk’uko banabimugaragarije agitangira kuburana.
