Karungi Doreen
Bamwe mu bari barazengerejwe n’indwara y’imidido bo mu Mirenge itandukanye y’Akarere ka Rubavu bagaragazako kuva bahabwa Ivuriro ryo kubitaho ubu burwayi bwabo bugenda bworoha.
Kabimba Mwebareryane wo mu murenge wa Nyundo mu Karere ka Rubavu yagize ati: “narwaye iyi ndwara y’imidido mfite imyaka 18 hari mu mwaka wa 1970 mfatwa no cyerwa ibirenge bikandya nkishimagura kwa mbara inkweto biranga, ntangira ku ivuza hose no mu kinyarwanda ngirango barandoze biranga n’ukobwa na rambagizaga arambenga ngo narwaye imidido, nyuma nawe yaje gushaka ahandi arayirwara”
Kabimba akomeza agira ati: ” Nyuma baje kumbwirako ku Nyundo babivura njyayo ndivuza ubu maze umwaka umwe nivuza ariko kuva natangira ku ivuza birimo kugenda byoroha,nkibisebe,birimo kuma ikibazo gisigaye ni inkweto ariko nazo baje kudupima kuko izo bari bazanye zanze kunkwira.”
Havugamenshi Teddy nawe umaranye indwara y’imidido imyaka 12 avuga ko iyi ndwara ikimufata yabanje kugirango baramuroze ” arivuza biranga nyuma azakumenyako ku kigo ndera buzima cya Nyundo bayivura ,njyayo baramvura mbona ndimo koroherwa ntagira kwambara inkweto ntarazambaraga ubu ndagenda noroherwa”.
Umuyobozi w’Ikigo ndera buzima cya Nyundo, Niyitegeka Theophile, avuga ko batangiye kuvura abarwayi b’imidido mu mwaka wa 2020 kuri ubu bakaba bita ku barwayi 171 b’ibimidido bakurikirana umunsi ku munsi. Abo barwayi bose baturuka mu mirenge itandukanye igize akarere ka Rubavu.
Niyitegeka yemeza ko abarenga 100 bamaze koroherwa akurikije uko baje bameze. Abasigaye bahabwa gahunda yo kubonana na muganga rimwe mu kwezi, naho abandi barwayi bo bivuza buri cyumweru kuko batinze kwivuza, kubijyanye n’ibikoresho bahabwa yagize ati: “harimo ikiroso bikubisha,amavuta bisiga n’imiti bashyira mu mazi batumbika ibirenge hakiyongeraho n’ibase yo kogeramo.
akomeza agira ati: “kubijyanye nihezwa muri sosiyete ryaragabanutse ikindi ni uko minisiteri y’ubuzima ifite gahunda yo guhugura abaganga bagiye bo ku bigo nderabuzima bitandukanye kugirango bafashe abafite indwara y’imidido kubona serivisi zibagenewe.
Hitiyaremye Nathan, Umukozi w’Ikigo cy’Igihugu cyita ku buzima RBC mu ishami rishinzwe kurwanya malaria n’indwara zititaweho avuga ko :” imidido ni indwara itandura kandi ishobora kuvurwa igakira.”
Mu Rwanda hari amavuriro 11 yita ku barwaye imidido ariko hakaba hari gahunda yo kuyongera kugira ngo serivise zitangwe hose mu gihugu mu buryo bworoshye.
Ubushakashatsi bwa RBC bugaragaza ko mu Rwanda hari abarwayi b’imidido ibihumbi 6000. Ishami ry’ Umuryango w’Abibumbye ryita ku Buzima OMS, rishora miiliyari y’amafaranga y’ u Rwanda mu kwita ku ndwara zititaweho zirimo; imidido, inzoka zo mu nda, uburwayi bwo mu mutwe n’izindi.
