Ikigo cy’itumanaho MTN Rwanda cyatsinzwe urubanza n’umuturage mu rubanza nomero RS/CSP/RCOM/00744/2021/TC rwaciwe n’urukiko rw’ubucuruzi, muri uru rubanza Musana Uwimana Serge yaregaga MTN kumwambura Simcard mu buryo butemewe n’amategeko ikayiha undi mukiriya wabo.
Uru rubanza rwari rumaze igihe mu rukiko rw’ubucuruzi rwasomwe ku wa 25 Gicurasi 2022, Urukiko rw’ubucuruzi rwemeza ko Musana Uwimana Serge atsinze MTN Rwanda ruyihanisha kumuha miliyoni 5 z’amafaranga y’u Rwanda nk’indishyi y’akababaro, ibihumbi 200 by’ikurikirana rubanza n’ibihumbi 500 by’igihembo cy’Avocat.
Uru rukiko rwasanze kandi Musana yarambuwe SIM Card iriho amafaranga ibihumbi 140, aya mafaranga azishyurwa n’uwo MTN Rwanda yahaye iyi Simcard mu buryo butemewe n’amategeko.
Ikinyamakuru intego cyashatse kumenya icyo MTN Rwanda ivuga ku mikirize y’uru rubanza yannga kugira icyo ibivugaho.
