Umukuru w’u Rwanda, Perezida Paul Kagame kuri uyu wa gatatu yagaragaje ifoto y’undi mwuzukuru we yongera gushimira umuryango w’umukobwa we Ange Kagame n’uwo bashakanye Bertrand Ndengeyingoma.
Ku ifoto Perezida Kagame yashyize ku mbugankoranyambaga ze igaragaza umukobwa wa Ange Kagame akikiye undi mwana w’uruhinja yayiherekesheje amagambo ashimira umuryango wa Ange Kagame na Bertranda Ndengeyingoma.
Uyu ni umwuzuku wa kabiri wa Perezida Kagame ahawe na Ange Kagame nyuma yuko umwuzukuru we wambere w’umukobwa yavutse muri Nyakanga 2020 avukira mu bitaro byitiriwe umwami Faisal i Kigali.
Ange Ingabire Kagame, ubuheta bwa Perezida Kagame na Madamu Jeannette Kagame, yashyingiwe tariki ya 6 Nyakanga 2019 mu birori by’imbonekarimwe byari bibereye ijisho.
Mu mpera za Ukuboza 2018, nibwo yari yasabwe na Bertrand Ndengeyingoma mu birori bijyanye n’umuco nyarwanda byabereye mu rugo rwa Perezida Kagame mu karere ka Rwamagana mu Murenge wa Muhazi.
