Mu gitondo cyo kuri uyu wa gatanu nibwo Perezida wa sena Iyamuremye Augustin, aherekejwe na minisitiri w’ububanyi n’amahanga Dr.Vincent Biruta, bageze i Niamey mu murwa mukuru wa Niger ahagiye kubera umuhango udasanzwe w’irahira rya perezida mushya w’iki Gihugu Bazoum Mohamed.
Iyamuremye Augustin ahagarariye perezida Kagame muri uyu muhango ugiye kuba ku nshur yambere muri Niger aho ihererekanya ry’ubutegetsi ribaye mu mahoro kuva iki gihugu cyabona ubwigenge mu mwaka w’1960.
Niger ni kimwe mu bihugu bikenyye cyane ku Isi nkuko banki y’Isi ibigaragaza muri raporo yayo y’umwaka w2010 kuko iri kumwanya w’189 ku rutnde rw’ibihugu bikize. muri iki Gihugu hamaze kuba ihirikwa ry’ubutegetsi inshuro enye kuva cyabona ubwigenge.
Perezida Bazoum agiye kurahira nyuma y’iminsi ibiri bivuzwe ko hashatse kuba ihirikwa ry’ubutegetsi muri iki gihugu mbere yuko arahirira ku kiyobora. Mu murwa mukuru umutekano wakajijwe cyane abaplisi n’abasirikare ni benshi mu muhanda.
