Minisiteri y’ububanyi n,’amahanga ya Congo yasohoye itangazo ivuga ku ndege y’iki gihugu yavogereye ikirere cy’u Rwanda mu gitondo cyo kuri uyu wambere.
Muri iri tangazo leta ya Congo yemera ko indege yayo yo mu bwoko bwa Sukoi 25 y’igisirikare cya Congo FARDC, ubwo yari mu mirimo yayo ya buri munsi yavogereye ikirere cy’u Rwanda.
Iri tangazo rikomeza rivuga ko indege yo mu bwoko bwa Sukoi 25, itari itwaye ibikoresho bya gisirikare ariyo yavogereye ikirere cy’u Rwanda itabigambiriye. ibi bitandukanye n’ibivugwa na leta y’u Rwanda kuko yo ivuga ko iyi ndege usibye kuvogera ikirere yanaguye igihe gito ku kibuga cy’indege cya Rubavu mu ntara y’Uburengerazuba.
Leta ya Congo isoza itangazo ivuga ko ibyabaye bitari bigambiriye kuvogera ikirere cy’igihugu cy’umuturanyi.
