Urwego rw’Igihugu rw’Ubugenzacyaha, RIB, rwataye muri yombi Dr. Kayumba Christopher akurikiranyweho ibyaha bitandukanye birimo icyo gukoresha undi imibonano mpuzabitsina ku gahato n’ubwinjiracyaha kuri iki cyaha.
Uyu mugabo yatawe muri yombi mu gitondo cyo kuri uyu wa Kane tariki ya 9 Nzeli 2021. Ni nyuma y’uko ku wa Gatatu tariki ya 8 Nzeli 2021 yari yatumijwe kuri RIB, akitaba ku cyicaro gikuru cyayo ku Kimihurura.
Ni ibyaha yakoze mu bihe bitandukanye hagati ya 2012 na 2017 mu Karere ka Gasabo mu Murenge wa Remera mu Kagari ka Nyabisindu mu Mujyi wa Kigali.
Kayumba Christophe amaze igihe washinze ishyaka yise ‘Rwandese Platform for Democracy’ (RPD). akurikiranwaho bene ibi byaha benshi bakaba bari baziko byarangiye kuko ataherukaga kwitaba ngo yisobanure kuri ibi byaha.
Afunzwe nyuma y’igihe gito afunguwe ku byaha yari yahamijwe n’inkiko icyaha cyo guteza umutekano muke ku kibuga cy’indege.
