Inkuru yatangajwe n’Ikinyamakuru The New York Times igaragaza ko imibare mishyashya ituruka mu Muryango mpuzamahanga wita ku buzima World Health Organization (WHO), n’ikigo gishinzwe kurwanya indwara Center for Disease Control (CDC), iyo Miryango ikaba ihangayikishijwe nuko icyorezo cya Covide-19 gishobora gutuma ibintu birushaho kuba bibi muri uyu mwaka, bityo indwara y’iseru igafata indi ntera.
Imwe mu nzitizi zikoma mu kokora gahunda yo gukingira ikaba ari ukutagira inzira nyabagendwa nko mu bice bimwe byo muri Repubulike iharanira Demokarasi ya Kongo ahitwa Mongala, bityo bikadindiza nko gutwara ibikoresho byifashishwa mu gukingira.
Abana bari bambaye ibirahure bijya kumera nk’ingabo bari bategerereje ku mirongo kugirango bahabwe inking z’iseru mu gihugu cya Indonesia mu cyumweru cyarangiye ku wa 6 Ugushyingo 2020
Imfu ziterwa n’iseru zariyongeye ku isi yose mu gihe cy’imyaka 23 kugeza umwaka ushize 2019, nkuko Raporo yashyizwe ahagararagara ku wa 12 Ugushyingo 2020, ku ndwara ishobora gukingirwa, bityo inzobere mu buzima zikaba zihangayikishijwe nuko ishobora kwiyongera mu gihe indwara ya Kovide-19 nayo irimo kubica bigacika, ari nako inadindiza gahunda y’ikingira ry’iseru. Abantu bamaze guhitanwa n’iseru ku isi yose kuva 2019, bari 207.500, aba bakaba bariyongereyeho 50% ku bari barahitanywe n’iseru mu gihe cy’imyaka itatu mbere ya 2019, nkuko isesengura ryakozwe n’Ishami ry’Umuryango w’Abibumbye ryita ku buzima World Health Organization(WHO) ku bufatanye n’Ikigo gishinzwe kurwanya no gukumira indwara Center for Disease Control and prevention(CDC). Nta mfu zigeze ziterwa n’indwara y’iseru muri Leta Zunze Ubumwe za Amerika, ariko abari barwaye iseru muri icyo gihugu bageze kuri 1.280 muri Leta 31, umubare munini cyane kuva mu mwaka wa 1992, imibare yagaragajwe mu ntangiriro z’Ugushyingo 2020. Mu gihe cyitari icya cyera cyane muri 2012, Leta Zunze Ubumwe za Amerika zagize abarwayi b’iseru 55 gusa.
Inzobere mu rwego rw’ubuzima zikaba zaragaragaje ko ukwiyongera kw’imibare y’abarwayi b’iseru guterwa n’ingaruka z’igikorwa cyo gukingira cyagiye cyigabanuka. Bakaba bahangayikishijwe nuko iki cyorezo cyizatuma iseru yiyongera cyane, nubwo iyi ndwara yandura cyane kurusha na Kovide-19.
“Tukaba duhangayikishijwe nuko ubudahangarwa bwagiye bugabanuka, bitewe n’indwara ya Kovide-19, yaje yiyongera ku zindi ndwara zari zisanzwe,” Dr Sai, ushinzwe indwara y’iseru n’ibihara mu Ishami ry’Umuryango ryita ku buzima World Health Organization. “Ntitwakomeza bene iyi mikorere, bityo ngo twizere impinduka yindi ifatika,” bityo akaba asaba ko hakwiyongera amikoro, mu rwego rwo guhangana n’iki kibazo.
Nubwo abarwayi b’iseru bagabanutse muri uyu mwaka, inzobere mu by’ubuzima zifite impungenge. Bakaba batinya ko iyo mibare ishobora kuba idahuye n’ukuri, kubera ko Kovide-19 yahungabanije inzego z’ubuzima, bityo bikagabanya uburyo bwo kuvura iseru, ndetse n’izindi ngamba zo kuyirinda.
Iseru yagiye igaragara nibura mu bihugu 26 uyu mwaka byari byarahagaritse gahunda yo gukingira, bitewe n’indwara ya Kovide-19. Kugeza mu Ugushyingo 2020, abantu bagera kuri miliyoni 94 bashobora kutabona urukingo rw’iseru, nkuko ishami ry’umuryango w’abibumbye ryita ku buzima World Health Organization ribitangaza.
Amakuru yimbitse ku indwara y’iseru yatangajwe n’urwego rushinzwe kurwanya iseru n’ibihara rizwi nka (Measles and Rubbella Initiative), n’Umuryango wAbibumbye n’Ikigo gishinzwe kurwanya indwara no kuzikumira, Center for Disease Control and Prevention.
Alphonse Rutazigwa
