Kuri uyu wa 24 Kanama, abantu babiri bishwe na COVID-19, handura 217.
Amakuru mashya atugeraho atanzwe na minisiteri y’ubuzima avuga ko none I Kigali handuye abantu 202 bapimwe mu masoko ya Kigali (mass testing in Kigali markets), i Rusizi hakandura10, bapimwe mu bibasiwe kurusha abandi (testing in high risk groups), naho i Rubavu hakandura 2, i Nyamasheke handuye 1, i Kamonyi hakandura 1, n’i Nyanza umwe.
Aba bantu babiri bitabye Imana bazize icyorezo cya COVID-19 batumye umubare w’abamaze guhitanwa nacyo mu Rwanda uzamuka ukagera kuri 14. Minisiteri y’Ubuzima ari nayo yemerewe gutangaza amakuru ya covid-19 ku ikubitiro, yihanganishije imiryango y’Abanyarwanda b’imyaka 64 n’uwa 70 bitabye Imana.
Ni ku nshuro ya mbere habonetse abitaba Imana mu minsi ibiri ikurikirana kuko no ku cyumweru tariki ya 23 Kanama hari uwahitanywe n’iki cyorezo abanduye bakaba bari 200.
Bivuze ko mu minsi ibiri gusa mu Rwanda habonetse abarwayi 417 banduye COVID-19, imibare nayo iri hejuru kuruta indi minsi.
Imibare itangwa na Minisiteri y’ubuzima mu Rwanda yo ku itariki ya 24 Kanama 2020, igaragaza ko abantu 217 aribo basanzwemo COVID-19 mu bipimo 3642 byafashwe, bituma umubare w’abamaze kwandura uba 3306 mu gihe 30 ari bo bayikize, abamaze gukira, bagasezererwa mu bitaro baba 1785. Abantu bakaba basabwa kurushaho kwirinda muri gahunda ministiri w’ubuzima yise, “Ntabe Ari nge biturukaho.”
Mporebuke Noel
