Leta ya Uganda yafashe umwanzuro wo kwirukana ishami ry’umuryango w’abibumbye ryita ku burenganzira bwa muntu, Office of the UN High Commissioner for Human Rights, (OHCHR), kuko babona ko itagikenewe mu gihugu.
Iki cyemezo cyafashwe na minisiteri y’ububanyi n’amahanga yandikiye iri shami ry’umuryango w’abibumbye iribwirako manda yayo igeze ku musozo kandi ko batazayongera bityo ko igihe cyabo cyo gukorera mu Gihugu kirangiye.
Minisiteri y’ububanyi n’amahanga ya Uganda niyo yandikiye iyi komisiyo ibaruwa iyibwira ko leta y’iki Gihugu yiyemeje guteza imbere uburenganzira bwa muntu bityo ko iyi komisiyo itagikenewe mu gihugu.
Muri iyi baruwa leta ivugako “ amahoro yiganje mu gihugu ndetse ko n’inzego zitandkutanye zita ku burenganzira bwa muntu ubu zihamye kandi ko imiryango itari iyaketa yita ku burenganzira bwa muntu ubu ifite ubushobozi bwo kurengera uburenganzira bwa buri wese mu gihugu.”
Livingstone Sewanyana, impirimbanyi y’uburenganzira bwa muntu ivuga ko iki cyemezo kidatunguranye kandi ko gishyize benshi mu rujijo kuko kitari gufatwa na leta ivuga ko iharanira uburenganzira bw’abaturage.
Iri shami ry’umuryango w’abibumbye ryita ku burengaznira wa muntu ryari riri muri Uganda kuva mu mwaka wi 2006, ibikorwa byayo byibandaga mu Turere twibasiwe n’amakimbirane two mu majyaruguru no mu burasirazuba bw’Igihugu.
Kuva muri 2009 iri shami ryahawe uburenganzira bwo gukorera mu Gihugu hose kinatangira gukoresha mahugurwa ku burenganzira bwa muntu abaturage batandukanye ba Uganda.
Iki cyemezo gifashwe mu gihe bame mu batavuga rumwe n’ubutegetsi bwa Perezida Museveni ariho kuva mu 1986 bazamuye ijwi ryabo bavuga ko bahohoterwa.
