Umwamikazi Elizabeth wa kabiri wayoboye igihe kirekire igihugu cy’Ubwongereza mu mateka yabwo yatanze kuri uyu wa kane azize uburwayi.
Elizabeth wa Kabiri atanze afite imyaka 96 y’amavuko imyinshi muri yo akaba yarayiyoboye Ubwongereza kuko yabutegetse imyaka 70.
Mu gitondo cyo kuri uyu wakane nibwo hasohotse itangazo rivuga ko arembye ari kwitabwaho n’abaganga by’umwihariko. Atanze nyuma y’igihe gito ashyizeho minisitiri w’intebe mushya Liz Truss.
Mu myaka 70 Elizabeth wa kabiri yategetse Ubwongereza yashyizeho abaminisitiri b’intebe 15 uwanyuma akaba ari Liz Truss.
Igikomangoma Charles nicyo kigiye kwima ingoma akaba ari nawe uzayobora imihango yo gutabariza umwamikazi Elizabeth.
Usibye kuba umwamikazi Elizabeth wa kabiri yayoboraga ubwami bw’Ubwongereza ni nawe wayoboraga umuryango w’ibihugu bikoresha ururimi rw’icyongereza Common wealth.
