Leta ya Uganda izafunga amashuri yose mu byumweru bibiri biri imbere, ni umwanuzo ufashwe nyuma y’uko icyorezo cya Ebola gihitanye abanyeshuri umunani muriniki gihugu.
Umufasha wa Perezida Museveni, Janet Museveni, akaba na minisitiri w’uburezi, yavuze ko hagaragaye abanyeshuri 23 byemejwe ko banduye Ebola.
Guma mu rugo yongerewe mu turere two hagati mu gihugu twa Mubende na Kassanda, ahafatwa nk’inkomoko y’ikwirakwira rya Ebola mu Gihugu.
Ishami ry’Umuryango w’Abibumbye ryita ku Buzima WHO/OMS rivuga ko kuva muri Nzeri hagaragaye abantu barenga 150 bemejwe ko banduye Ebola kandi bishoboka ko yahitanye abagera kuri 64.
Ubwoko bwa Ebola buzwi nka Sudan, nibwo bwibasiye igihugu cya Uganda kandi ubu bwoko nti burabonerwa urukingo
Facebook Comments Box
