Urukiko rwo muri Mozambike rwakatiye umuhungu w’uwahoze ari perezida w’igihugu ndetse n’abandi bagenzi be kubera uruhare bagize muri ruswa yiswe “tuna bonds”.
Umuhungu w’uwahoze ari Perezida Armando Guebuza, Ndambi Guebuza, n’abahoze ari abayobozi b’iperereza, Gregorio Leao na Antonio do Rosario, buri wese yakatiwe imyaka 12 y’igifungo.
Umunani mu bo baregwa hamwe bahamwe n’icyaha bakatirwa hagati y’imyaka 10 na 12.
Umucamanza Efigenio Baptista ubwo yatangaga ibihano yagize ati: “Ingaruka z’ibyaha byakozwe zizagera ku basekuru n’abasekuruza badukomokaho.”
Uru rubanza usibye umwana w’uwahoze ari umukuru w’Igihugu hari n’abandi 18 bari barurimo. Umunani gusa muribo nibo bababaye abere kuko ubushinjacyaha butabonye ibimenyetso bihagije bibashinja.
Aya mahano yakozwe n’abarimo umwana w’umukuru w’igihugu yatumye Mozambique amafaranga arenga miliyari n’igice muri banki muzamahanga zitandukanye, menshi muri ayo mafaranga y’ideni yatswe bitanyuze mu nteko ishingamategeko nk’uko amategeko yabiteganyaga.
