Igitego kimwe kuri kimwe nicyo cyaranze umukno wahuje Rayon sport na Police fc kuri stade ya Bugesera, umusaruro w’umukino utagize icyo ufasha amakipe yombi kuko bigabanyije amahirwe yazo zombi yo gukomeza kwiruka ku gikombe cya shampiyona.
Igitego cya Sibomana Patrick Papy cyishyuwe na Luvumbu Hertier Nzinga kuri penaliti byose byabonetse mu gice cyambere cy’umukino nta yindi kipe yongeye kureba mu izamu ry’indi.
Kunganya kw’amakipe yombi bitumye APR fc na AS Kigali ziyasigaho amanota mu gihe shampiyona isigaje imikino ine.
Rayon sport na Police fc zigize amanota 4 nyuma yo gutsindwa umukino umwe zigatsinda undi zikananganya.
Rayon sport na Police fc nubwo zikibarwa nk’ikipe zihatanira igikombe cya shampiyona cy’uyu mwaka ziraruswa amanota atatu na AS Kigali na Apr fc zo zimaze kugeza amanota 7 mu mikino itatu.
AS Kigali na APR fc nizo zikomeje kuyobra izindi kuko arizo zitaratsindwa mu cyiciro cy’amakipe umunini arimo guhatanira igikombe cya shampiyona n’umanya wa kabiri uzatanga ikipe isohokera Igihugu.
Uko indi mikino yagenze
APR FC 3-0 Bugesera
Espoir FC 1-0 Marines FC
Rutsiro FC 0-2 AS Kigali
Police FC 1-1 Rayon Sports
AS Muhanga 0-2 Gorilla FC
Mukura VS 1-0 Etincelles
Sunrise 1-1 Gasogi United
Kiyovu Sports 1-2 Musanze FC
