Abayobzi batandukanye mu Gihugu cy’uburundi ntibavuga rumwe ku cyemezo kiri gufatirwa umugore ushinjwa gutwara abagabo b’abandi muri Komini ya Butihanda mu Ntara y’amajyaruguru.
Umuyobozi w’iyi komini yandikiye umugore wamaganwe n’abandi bagore bamushinja kubatwarira abagabo amuha amasaha 24 yo kuba yavuye muri iyi komini agashaka ahandi atura.
Ibaruwa yandikiwe yagiraga iti: ” Kubera imyitwarire mibi y’uwo mugore igamije gusenya ingo z’abandi asabwe kuba yavuye muri iyi komini bitarenze taliki ya 7 Mata 2023.”
Iyi baruwa ya Burugumesitiri, Gilbert Ndikumasabo , yakwirakwiye ku mbugankoranyambaga bamwe banenga icyemezo cy’umuyobozi uri kumwirukana aho ayobora abandi bagishima bavuga ko uyu mugore abangamiye ituze ry’abo atwara abagabo.
Nyuma y’amasaha make iyi baruwa ikwirakwiye ku mbugankoranyambaga ubuyobozi bw’Intara y’amajyaruguru bwatangaje ko bwakuyeho icyemezo cy’umuyobozi wa Komini kuko kitari gikurikije amategeko.
Umugore wirukanwe mu Karere kubera gukekwaho gutwara abagabo b’abandi ntacyo arabitangazaho.
Vuba aha, Umufasha wa Perezida Evarisite Ndayishimiye, yamagannye ku mugaragaro ubuhemu anibasira abagore bibana abashinja gutwara abagabo babandi bagamije gusenya ingo zabo.
