Bamporiki Edouard umaze igihe afungiwe iwe mu rugo kubera gukorwaho iperereza ku byaha bya ruswa yagarutse kuri twitter bamwe bagaragaza ko bamwishimiye abandi nabo bongera kumwibutsa impamvu agifungiwe iwe mu rugo.
Kuva taliki ya 6 Gicurasi 2022, Bamporiki Edouard afungiwe iwe mu rugo nyuma yo kwirukanwa muri Guverinoma akekwaho kwakira ruswa. ibyo nawe yiyemereye abisabira imbabazi.
Kuva icyo gihe urwego rw’Igihugu rw’ubugenzacyaha rwahise rutangaza ko ruri kumukoraho iperereza afungiwe iwe mu rugo kuko nabyo biteganywa n’amategeko..
Kuva icyo gihe kumbugankoranyambaga Bamporiki aracyagaragara nk’umunyamabanga wa Leta muri minisiteri y’umuco n’urubyiruko.
Mu gitondo cyo kuri uyu wa gatau nibwo yongeye kuvuga kuri twitter agaragaza ko ababajwe n’urupfu rw’umuhanzi Yvan Buravan.
Benshi bagaragaje ko bari bamukumbuye bamwereka amarangamutima bamufitiye ariko hagaragara n’abandi bamwerka ko batamwishimiye cyangwa batishimiye ibyo yakoze.
