Umuganga uzwi cyane muri Kenya wamamye cyane mu bukangurambaga bwo kwamagana urukingo rwa Covid-19 avuga ko ari ubugambanyi yitabye Imana azize Covid-19
Dr Stephen Karanja yavuze ko bitari ngombwa gukingiza Abanyakenya Covid-19.
Ahubwo, yashishikarizaga abarwayi ba Covid-19 guhumeka umwuka w’ibimera n’urundi ruvange rw’imiti itandukanye mu kwirinda iyi ndwara.
Yakwirakwije kandi ibitekerezo byangisha abaturage abantu bakomeye ku Isi barimo na Bill Gates avuga ko bafite gahunda yo kugenzura abaturage biciye muri uru rukingo.
Ku wa kane, Dr Karanja yapfiriye mu bitaro byigenga mu murwa mukuru Nairobi.
Ubu Abanyakenya barenga 800.000 bakingiwe, nta ngaruka zikomeye zziratangazwa ko bahuye nazo.
Mbere y’urupfu rwe, Dr Karanja yari umuyobozi w’ishyirahamwe ry’abaganga gatolika – yavuze ko “ari umusirikare w’ubuvuzi”.
