Kazungu Denis, ukekwahobkwica abantu 14, urupfu rw’agashinyaguro arafungwa iminsi 30 y’agateganyo mu gihe iperereza rikomeje ngo watangira kuburana mu mizi nk’uko Urukiko rwibanga rwa Kicukiro rwabitegetse kuri uyu wa kabiri.
Kazungu wiburaniye ifungwa n’ifungurwa ry’agateganyo yemera ibyaha byose ashinjwa yagaragaye mu rukiko ari gusomerwa wenyine ntiyagira n’icyo yongeraho ku cyemezo yari amaze gutangarizwa n’umucamanza n’ubwo afite iminsiitanu (5) yokujurra.
Umucamanza yavuze ko Urukiko rwafashe uyu mwanzuro nyuma yo gusanga hari impamvu zikomeye zituma Kazungu akekwaho ibyaha 10 birimo kwica umuntu biturutse ku bushake kandi nawe akaba abyiyemerera.
Indi mpamvu rwashingiyeho ngo ni uko ubwo Kazungu yaburanaga ku cyemezo cy’ifunga n’ifungurwa ry’agateganyo atigeze agaragaza ukwicuza kuri ibi byaha by’ubwicanyi yiyemerera.
Ibyaha icumi Kazungu akurikiranyweho birimo Ubwicanyi buturutse ku bushake, Iyicarubuzo, gukoresha undi imibonano mpuzabitsina ku gahato, guhisha umurambo w’undi muntu, gukoresha ibikangisho n’itwarwa n’ifungiranwa ry’umuntu.
Akurikiranyweho kandi ubujura bukoresheje kiboko, icyaha cyo konona inyubako utari nyirayo, inyandiko mpimbano ndetse no kugera mu buryo butemewe ku makuru abitswe muri mudasobwa.
Mu Iperereza ry’Ibanze, bigaragazwa ko mu cyobo Kazungu yajugunyagamo imirambo y’abo amaze kwica hakuwemo imibiri y’abantu 12.
Ku rundi ruhande ariko ubwo Kazungu yabazwaga ku cyaha cy’ubwicanyi, yiyemereye ko yishe abantu 14 barimo abigitsinagore 13 n’umuhungu umwe.
Ubwo umwanzuro w’urubanza wasomwaga, Kazungu ushinjwa yari yitabiriye. Mu cyumba cy’urukiko kandi hari haje abantu benshi baje gukurikirana.
