Umunyezamu w’Ikipe y’Igihugu y’umupira w’amaguru mu Rwanda Amavubi Stars, Emery Mvuyekure usanzwe akinira Tusker yo muri Kenya ashobora kuza gukinira Bugesera FC muri shampiyon y’igihugu izamara amezi biri.
Uyu mukinnyi ufite amasezerano na Tusker ariko shampiyona ya Kenya ikaba itari gukinwa kubera kubahiriza amabwiriza yo kwirinda Covid-19 ashobora gutizwa muri Bugesera nkuko byemezwa n’umunyamabaga wa Bugesera Karenzi Sam.
” Mvuyekure araza muri Bugesera fc mu gihe ibiganiro na Tusker byaba bigenze neza.” Sam Karenzi akomeza vuga ko nubwo ibiganiro byatangiye na Tusker ikaba iri kogorana ariko ko ” Isaha yose inkuru yakumvikana ko Mvuyekure Emery ari mu Karere ka Bugesera.”
Benshi mu bakurikiranye Bugesera Fc muri ibi bihe yitegura imikino ya shampiyona bavuga ko ifite ikibazo cy’umuzamu kuko uwo ifite atari ku rwego rwiza.
Mvuyekure Emery afite inararibonye muri shampiyona y’u Rwanda kuko yakiniye amakipe nka Police fc na APR fc mbere yuko yerekeza muri Kenya aho ari umuzamu wa Tusker iyoboye shampiyona yaho..
Kuri ubu Mvuyekure niwe muzamu uhagaze neza kuko anaheruka gufatira ikipe y’Igihugu mu mikino ya Chan akanagaragara mu mukino wahuje ikipe y’Igihugu Amavubi na Cameroun mu mikino yo gushaka itike y’igikombe cy’Afurika asimbuye kwizera Olivier wari uhawe ikarita y’umutuku.
