Ishami ry’Umuryango w’Abibumbye ryita ku Buzima (OMS) rivuga ko abantu batandatu kuri barindwi banduye coronavirus batagaragara muri Afurika.
Yatangaje iyin mibare ishingiye kuri formule y’abantu bapfuye n’ibipimo bindi byabishwe na Covid-19 nyuma yo gupimwa.
Ishami ry’umuryango w’abibumbye ryita ku buzima ritangaza ko muri Afurika hamaze ibipimo byafashwe bigaragaza ko handuye miliyoni 8 gusa ariko yo ikaba ibarura abarwayi ba Covid-19 barenga miliyoni 59.
Muri rusange, abantu bonyine bapimwe ni abajya ku bigo nderabuzima bafite ibimenyetso ndetse n’abashaka gukorera ingendo hanze y’igihugu. Ibi bivuze ko umubare munini w’abantu badafite ibimenyetso batagaragara bakanduza abandi benshi.
Kugira ngo iki kibazo gikemuke, OMS irimo gufasha ibihugu 8 by’Afurika gupima abantu benshi icyarimwe kuburyo mu mwaka utaha izaba imaze kwipira abarenga miliyoni 7. OMS iri kubapima ikoresheje uburyo butanga igisubizo vuba buzwi nka Rapid test.
Dr Matshidiso Moeti, umuyobozi wa OMS muri Afurika agira ati: “ abantu benshi birengagiza ko muri Afurika ibipimo bikiri bike bakibgirwa kwirinda…, igisubizo cy’ibi ni ugupima abantu benshi kuko aribyo bifasha abanduye kujya mu kato bigatuuma batanduza abandi bikarokora ubuzima bwa benshi.”
Uburundi, Cote d’Ivoire, Repubulika Iharanira Demokarasi ya Kongo, Guinea Bissau, Mozambique, Congo-Brazzaville, Senegal na Zambia nibyo bihugu bigiye gufashwa na OMS gupima abaturage babyo benshi.
OMS ivuga ko mu minsi ishize habaye imibare igaragaza abantu baduye Covid-19 yagabanutse, ariko hari impungenge koziterwa n’umubare muto w’abamaze gukingirwa Covid-19 muri Afurika.
