Kylian Mbappe aza imbere ku rutonde rwa Forbes rw’abakinyi bazinjiza amafaranga menshi muri uyu mwaka w’imikino 2022-2023. Ni ubwa mbere umuntu utari Lionel Messi cyangwa Cristiano Ronaldo abaye uwa mbere kuri urwo rutonde mu myaka icyenda ishize.
Forbes igereranya ko uwo mukinyi w’imbere wa Paris St-Germain Mbappe w’imyaka 23, azinjiza miliyoni 128 z’amadolari muri uyu mwaka.
Messi ukinana na Mbappe muri PSG ni uwa kabiri na miliyoni 120 z’amadolari hanyuma umukinyi w’imbere wa Manchester United Ronaldo akaza ku mwanya wa gatatu na mimiliyoni 100 z’amadolari.
Neymar na Mohammed Salah ni bo buzuza imyanya itanu yambere y’abakinnyi bazinjiza menshi muri uyu mwaka.
Umukinyi w’imbere wa PSG na Brezil Neymar azinjiza amafaranga ashobora kugera kuri miliyoni 87 z’amadolari mu mwaka wa 2022-2023 hanyuma rutahizamu wa Liverpool Salah akazinjiza miliyoni 53 z’amadolari.
Undi mukinyi wigeze kuba uwambere kuri urwo rutonde utari Messi na Ronaldo ni uwari icyamamare mu ikipe y’Igihugu y’Ubwongereza David Beckham mu mwaka wi 2013.
Mbappe yashyize umukono ku masezerano arimo amafaranga menshi y’imyaka itatu na PSG mu kwezi kwa gatanu, aya masezerano yahise aca impaka z’ashaka kumujyana mu ikpe ya Real Madrid mu mpeshyi ishize.
Uwo mufaransa yatwaye igikombe cy’isi cya 2018, amaze gutwara ibikombe 11 muri PSG, harimo bine bya shampiyona y’Ubufaransa, kuva ageze muri iyi kipe aaho yari atijwe na Monaco mu mwaka wi 2017.
Erling Haaland, amaze gutsinda ibitego 19 mu nkino 12 muri Manchester City kuva yayigeramo avuye muri Borussia Dortmund, ari mu bakinnyi 10 ba mbere bazinjiza amafaranga meshi muri uyu mwaka, ari ku mwanya wa gatandatu.
Erling Haaland, rutahizamu w’ikipe y’Igihugu ya Norvege, n’umwe mu bakinyi bane bo muri shampiyona y’Ubwongereza bari muri cumi ba mbere kuri rutonde rwa Forbes kimwe na Ronaldo, Salah na mugenzi we bakinana muri Manchester City, Kevin de Bruyne.
Urutonde rw’abakinnyi 10 bambere bazinjiza menshi muri 2022-2023
