Rayon sport imaze gusinyisha umukinnyi wambere nyuma y’igihe abafana bayo bibaza igihe izatangira gusnyishiriza abakinnyi kuko andi makipe yari abagerereye.
Mico Justin rutahizamu w’ikipe y’igihugu amavubi wari umaze igihe mu ikipe ya Police fc yagezemo avuye muri AS Kigali ni we mukinnyi ubimburiye abandi mu gusinya muri rayon sport muri uyu mwaka wa 2021.
Amakuru avuga ko Mico Justin asinye amasezerano y’imyaka ibiri yo gukinira iyi kipe y’abafana benshi, akaba ahawe miliyoni 10 z’amafaranga y’u Rwanda.
Rayon sport isinyishije uyu mukinnyi nyuma yo gutakaza Mugisha Gilbert werekeje muri APR FC na Rugwiro Herve wagiye muri AS Kigali.
Hari amakuru yemeza ko irin mu biganiro n’umutoza Masudi Djuma wigeze kuyitoza ikaba iri no kuganira n’abakinnyi nka Byisenge Emery wari usanzwe muri AS Kigali.
