Perezida wa Tanzaniya, Samia Suluhu Hassan, yatangaje ko hari impinduka zikomeye zabaye mu kwirinda icyorezo cya Covid-19 muri Tanzania.
Kuri uyu wa kabiri, mu muhango w’irahira ry’abaminisitiri bashya, Perezida Suluhu yatangaje gahunda nshya y’itsinda ry’abahanga ryashyizweho rishinzwe kugira leta inama ku gukumira icyorezo cya Covid-19 muri Tanzania.
Ibi bitandukanye cyane cyane n’imyitwarire y’uwo asmbuye John Magufuli, wakunze guhakana ko icyorezo cya coronavirus kiri muri Tanzaniya.
Perezida Samia ati: “Tanzaniya ntishobora kwigunga nk’ikirwa mu kurwanya Covid-19”.
Perezida yanagaragaje impinduka zikomeye zishobora kuba muri politiki y’ububanyi n’amahanga y’igihugu – ategeka minisitiri w’ububanyi n’amahanga mushya, Liberata Mulamula, gushyiraho ingamba zo guhindura umubano n’ibindi Bihugu maze agira ati: “Nta gihugu gishobora kugenda cyonyine. Ubufatanye ni bwo buryo bwonyine”.
Iyi nkuru yakozwe ku nkunga y’umuryango IMS
