Amezi make ashize, umuhanzi Jose Chameleone yatangije televiziyo ye ayita, Leone TV.
Iyi televiziyo iherereye i Makindye, mu nkengero z’umujyi wa Kampala yaratangiye abantu barayibona ariko itangirana ibibazo bikomeye rimwe ikavaho ubundi igasubiraho bitera benshi kwibaza ahazaza hayo.
Amakuru yizewe kuri ubu yemeza ko uyu muhanzi yananiwe kubonera ibikoresho bikenewe iyi televiziyo kugirango ikomeze igaragre nk’ayandi ma televiziyo. Bityo akaba yarahisemo kuba ayifunze akongera akisuganya akazagaruka yiteguye.
Jose Chameleone aracyavuga cyane kuri iki kibazo nubwo TV itakiboneka ku mbuga zose za TV abantu bareba.
Uyu muhanzi utakivugwa cyane mu muziki ahubwo uvugwa muri politiki nyuma y’igihe atangaje ko nawe atangiye iyi nzira nyuma yo gushaka no kwiyamamariza kuyobora umujyi wa Kampala yari ateye intambwe mu gushyiraho televiziyo kimwe n’umuhanzi Diamond ufite televiziyo na radiyo bikomeye mu gihugu cya Tanzania.
