Abategetsi ba Mozambike bavuga ko mu mezi abiri ashize abarwanyi ba kisilamu bagera kuri 90 bari kumwe n’abo bari barashimuse bishyize mu maboko ya leta mu gace ka Mocimboa da Praia mu ntara ya Cabo Delgado.
Iyi niyo ntara yibasiwe cyane n’ibitero by’intagondwa z’aba jihadisiti bituma iki gihugu cyitabaza abasirikare b’ababanyamahanga barimo n’Abanyarwanda kugifasha kurwanya uyu mutwe.
Muri Nzeri Perezida wa Mozambique, Nyusi, yatangaje ko ahaye imbabazi abarwanyi bose bazamanika amaboko bakishyikiriza ingabo za leta. Ibi yabitangaraje mu rugendo yari yagiriye muri iyi ntara.
Umuyobozi waho, Sérgio Cipriano, yatangaje ko aba barwanyi bakiriwe neza kandi ko inzira y’ubwiyunge no kubasubiza mu buzima busanzwe ikomeje.
Ati: “Turasaba abaturage kwakira abihannye nk’abavandimwe, kubabarira amakosa yose yakozwe, kureka ibyahise no gutangira ubuzima bushya. Ni abana ba Mocimboa da Praia basubira mu ngo zabo, aho bakomoka ”.
Kuva mu 2017, aba barwanyi bagiye, baca baciye imitwe abaturage, ndetse no gutwika amazu muri iyo ntara bituma ibihumbi amagana bahunga kubera umutekano wabo uteri wizewe.
