Abatuye Huye ntibabujijwe na Covid-19 kwishimira Tour du Rwanda

Ku munsi wa kabiri w’irushanwa ry’amagare (Tour du Rwanda) abatuye umugi wa Huye ibyishimo byatumye birengagiza amabwiriza yo kwirinda Covid-19 buzura mu mihanda no kunyubako hejuru babyigana bakurikira uko irushanwa rigenda.

Tour du Rwanda ni rimwe mu marushanwa ahagurutsa abanyarwanda benshi, gusa kubera icyorezo cya Covid-19 ntibyari byemewe ko abantu begerana ngo bizihirwe no kureba umukino w’amagare nkuko bisanzwe bigenda.

Alan Boileau w’imyaka 21 ukinira B&B Hotels yitabiriye Tour du Rwanda ku nshuro ya mbere, ni we wegukanye agace ka kabiri kasorejwe i Huye nyuma yo guhagurukira i Kigali ku ntera y’ibilometero 120,5 kuri uyu wa Mbere.

Abatuye Huye ntibabujijwe na Covid-19 kwishimira Tour du Rwanda

Muri iri siganwa ryahagurukiye imbere y’inyubako ya MIC mu Mujyi wa Kigali, rigasorezwa imbere y’ishami rya COGEBANQUE i Huye, Alan Boileau yakoresheje amasaha atatu, iminota irindwi n’amasegonda 14.

Umukinnyi ukomoka mu Rwanda waje hafi ni Uhiriwe Byiza Renus (Team Rwanda) wakoresheje amasaha atatu, iminota irindwi n’amasegonda 22, aba uwa 20 mu gihe Mugisha Samuel wa 26, yasizwe amasegonda 36 na Alan Boileau ufite ubwenegihugu bw’Ubufaransa.

Iri rushanwa rya Tour du Rwanda 2021 izakomeza ku wa Kabiri tariki ya 4 Gicurasi 2021 hakinwa agace ka gatatu kazahagurukira i Nyanza kerekeza i Gicumbi ku ntera y’ibilometero 171,6.

UKO ISIGANWA RIMAZE KUGENDA:

Abakinnyi 10 ba mbere kuri etape Kigali- Huye

1. Alan Boileau (B&B Hotels, Fra), 3h07’14”
2. Umba Lopez Abner Santiago (Androni, Col), 3h07’14” + 06”
3. Sanchez Vergara Brayan Stiven (Medellin, Col), 3h07’14”+ 08”
4. Vahtara Norman (Israel Start-up Nation, Est), ibihe bimwe
5. Marchand Gianni (Tarteletto-Isorex, Bel), ibihe bimwe
6. Alex Hoehn (Wildlife Generation, USA), ibihe bimwe
7. Restrepo Jhonatan Valencia (Androni, Col) , ibihe bimwe
8. Salim Kipkemboi (Bike Aid, Kenya), ibihe bimwe
9. Quentin Pacher (B&B Hotels, Fra), ibihe bimwe
10. Valentin Ferron (Direct Energie, Fra), ibihe bimwe

Urutonde rusange nyuma y’iminsi ibiri

1. Umba Lopez Abner Santiago (Androni, Col), 5h41’03”
2. Sanchez Vergara Brayan Stiven (Medellin, Col), 5h41’03” + 02”
3. Alex Hoehn (Wildlife Generation, USA), 5h41’03” + 02”
4. Restrepo Jhonatan Valencia (Androni, Col) , 5h41’03” + 02”
5. Quentin Pacher (B&B Hotels, Fra), 5h41’03” + 02”
6. Salim Kipkemboi (Bike Aid, Kenya), 5h41’03” + 02”
7. James Piccoli (Israel Start-up Nation, CAN), 5h41’03” + 02”
8. Valentin Ferron (Direct Energie, Fra), 5h41’03” + 02”
9. Vahtara Norman (Israel Start-up Nation, Est), 5h41’03” + 02”
10. Uhiriwe Byiza Renus (Team Rwanda), 5h41’03” + 02”

Mporebuke Noel

Facebook Comments Box
Sangiza abandi iyi nkuru................

Leave a Reply

Your email address will not be published. Required fields are marked *