Kenya: Abatarakingirwa Covid-19 mu kaga gakomeye

Guverinoma ya Kenya igiye gushyiraho amabwiriza mashya akumira  abaturage batakingiwe Covid-19 kuri serivisi za Leta.

Minisitiri w’ubuzima Mutahi Kagwe, yavuze ko abantu batarakingirwa kuva mu kwezi gutaha bazabuzwa kugenda mu modoka zitwara abantu mu buryo bwa rusange, ingendo z’imbere mu gihugu zifashisha indege  ndetse n’ingendo zo muri gari ya moshi.

Abanyakenya bazakenera kandi kwerekana ko bikingije kugira ngo basure ibigo bya leta bitanga serivisi z’uburezi, abinjira n’abasohoka, ibigo by’imisoro n’izindi serivisi za leta.

Aya mabwiriza azatangira gukurikizwa ku ya 21 Ukuboza.

Guhera ku wa kabiri, urubyiruko rurengeje imyaka 15 ruzatangira kubona urukingo rwa Pfizer.

Kenya ifite intego yo gukingira abantu miliyoni 10 mu mpera z’Ukuboza 2021.

Guverinoma ya Kenya ivuga ko ihangayikishijwe n’ubwitabire buke bw’abaturage mu gufata inking cyane abo mu ntara zitari umurwa mukuru Nairobi.

Ivuga ko impungenge zayo ari uko 18% gusa byabasaza aribo bafashe urukingo. Kugeza ubu abatageze ku 10% by’abaturage bose nibo bamaze gukingirwa.

Minisiteri y’ubuzima ivuga ko Kenya yatanze inkingo zigera kuri miliyoni 6.4 kuri miliyoni 10.7 z’inkingo yakiriye za Covid-19.

Facebook Comments Box
Sangiza abandi iyi nkuru................

Leave a Reply

Your email address will not be published. Required fields are marked *