Mali: Igisirikare cyashyizeho perezida w’agateganyo

Mu gihe igisirikare aricyo cyari gifite ubutegetsi bwa Mali, cyashyizeho Perezida mushya ugomba kuyobora igihugu amezi menshi mbere yo gukora amatora, bagasubiza ubutegetsi abasivili.

Ba N’Daou wahoze ari minisitiri w’ingabo muri Mali, niwe wagizwe perezida wa guverinoma nshya y’inzibacyuho.

Kuri uyu wa mbere tariki ya 21 Nzeri, televiziyo y’igihugu cya Mali yatangaje ko Colonel Assimi Goita, umuyobozi wa komite y’igihugu ishinzwe agakiza k’abaturage (CNSP) ari nayo yahiritse perezida wa Mali, Ibrahim Boubacar Keita, yagizwe visi perezida.

Nkuko byatangajwe, guverinoma yinzibacyuho igomba gutangizwa ku ya 25 Nzeri.

Hakurikije gahunda ishyigikiwe n’abayobozi b’ingabo, perezida mushya agamije kuyobora igihugu amezi menshi mbere yo gukora amatora no gusubiza no gusubiza ubuyobozi abaturage.

ECOWAS ikomeje gutsimbarara ku bihano yafatiye Mali

Abategetsi ba gisirikare muri Mali bahuye n’igitutu gikomeye cy’abayobozi b’umuryango w’ubukungu w’ibihugu bya Afurika y’iburengerazuba (ECOWAS) kugira ngo basubize ubutegetsi abasivili nyuma y’igikorwa cyo ku ya 18 Kanama 2020 cyahiritse perezida Keita.

Ntibyari byamenyekana niba iyi gahunda izanyura ECOWAS, mu cyumweru gishize yakangishije kongera ibihano by’ubukungu no gufatira ibihano bya burundu Mali niba ibisabwa bitujujwe.

N’Daou na Goita bashyizweho n’itsinda ry’abatowe 17 batoranijwe n’abayobozi b’ingabo kugira ngo bakurikirane inzibacyuho y’amezi 18 izasozwa n’amatora mashya.

Abayobozi b’uturere bari basabye ko perezida w’agateganyo yaba umusivili, mu gihe berekanaga ko bazemera umusirikare nka visi perezida mu gihe atemerewe gusimbura perezida.

Goita ntiyavuze niba visi perezida azakomeza gukurikira umurongo wa perezida nk’uko biteganywa n’amasezerano y’inzibacyuho yemejwe mu biganiro by’amashyaka menshi mu ntangiriro z’uku kwezi.

Ibigwi bya Perezida w’agateganyo

Umusirikare w’inararibonye, ​​N’Daou yaherewe imyitozo mu cyahoze ari Leta Zunze Ubumwe z’Abasoviyeti ndetse no muri Ecole de Guerre izwi cyane i Paris.

Kaou N’Djim, umuvugizi w’umuyobozi ukomeye w’abayisilamu Mahmoud Dicko, wayoboye imyigaragambyo yamaganaga Keita mbere y’ubutegetsi, yashimye kandidatire ya N’Daou.

N’Djim yabwiye ibiro ntaramakuru Reuters ati: “Ba ni umutegetsi utunganye. Ntabwo yigeze agira uruhare mu bibazo bya ruswa.”

Integonziza@gmail.com

Facebook Comments Box
Sangiza abandi iyi nkuru................

Leave a Reply

Your email address will not be published. Required fields are marked *