Madagasikari yahinduye umuvuno maze yiyemeza kwinjira mu gikorwa cyo gukingira Covid-19 abaturage bayo ikoresheje inking z’abazungu.
Minisitiri w’ubuzima muri iki gihugu yavuze ko bateye intambwe yo kujya mu ryango w’ibihugu wo gusaranganya inkingo za Covid-19 uzwi nka Covax.
Minisitiri w’ubuzima Prof Jean Louis Rakotovao yagize ati: “Haracyari intambwe nyinshi zigomba guterwa mbere yo kubona inkingo, ariko kwiyandikisha bimaze kuba intambwe ikomeye muri iki gikorwa.”
Madagasikari yari yabanje kwerekana ko itazitabira gahunda ya Covax. Yavuze ko izakoresha umuti gakondo wo muri icyo gihugu uzwi nka Covid-Organics.
Uyu muti gakondo w’Abanya madagascar uboneka mu cyayi no mu binini kandi byemejw ko uvura ukanakingira Covid-19 na Perezida Andry Rajoelina.
Ishami ry’Umuryango w’Abibumbye ryita ku Buzima rivuga ko nta muti wa coronavirus ubaho.
Iyi nkuru yakozwe ku nkunga y’umuryango IMS
