Africa: Covid-19 izasiga miliyoni 47 z’abagore n’abakobwa mu bukene

Umuryango w’abibumbye uraburira Africa ko Coronavirus izasiga icyuho cy’ubukene hagati y’abagore n’abagabo ndetse no ikanasubiza inyuma intambwe yari imaze guterwa.
Umuryango w’abibumbye wavuze ibi kuri uyu wa gatatu, ko bizatuma umwaka utaha abagore n’abakobwa bagera kuri miliyoni 47 bazasubira mu murongo w’ubukene.


Ku isi hose, abagore benshi kurusha abagabo bazakena kubera ihungabana ry’ubukungu ndetse no gutakaza akazi bitewe na COVID-19, cyane abo muri Afurika yo munsi y’Ubutayu bwa Sahara no muri Amerika y’Epfo, nk’uko bigaragazwa n’imibare mishya ya Loni.
Phumzile Mlambo-Ngcuka, umuyobozi w’abagore mu muryango w’abibumbye, yagize ati: “Ubwiyongere bw’ubukene bukabije bw’umugore … ni ikimenyetso cyerekana amakosa akomeye atewe nuko twubatsemo sosiyete n’ubukungu bwacu.”
Avuga ko mu gihe cy’icyorezo, abagore babuze akazi ku buryo bwihuse kurusha abagabo, kuko bakunze gukoreshwa mu mirimo yibasiwe cyane no gufungwa igihe kirekire nko gucuruza, resitora n’amahoteri.
Abagore kandi ngo birashoboka cyane ko bakora mu mirimo iciriritse, nkabakozi bo murugo hamwe nabakora isuku bakunze kuvugwaho kutitabwaho cyangwa badahabwa ubuvuzi , cyangwa ubundi burinzi.
Mlambo-Ngcuka ati: “Turabizi ko abagore bafata inshingano nyinshi zo kwita ku muryango; binjiza make, bakazigama make kandi bafite akazi gake cyane”.
Aljazeera ikomeza ivuga ko Ishami ry’umuryango w’abibumbye ryita ku murimo (ILO) rivuga ko 70 ku ijana by’abakozi bo mu rugo ku isi bari barabuze akazi bitewe na COVID-19 bitarenze Kamena uyu mwaka.
Muri rusange, iki cyorezo kizatuma abantu miliyoni 96 bajya mu bukene bukabije mu mwaka utaha, muri bo hafi kimwe cya kabiri ni abagore n’abakobwa, nk’uko bigaragazwa n’ikigereranyo cyakozwe n’abagore bo muri Loni na gahunda y’umuryango w’abibumbye ishinzwe iterambere (UNDP).
Umuyobozi wa UNDP, Achim Steiner, yatangaje ko guverinoma zishobora gufata ingamba zo gufasha abagore bakoraga imirimo ihembwa make kandi idasanzwe.
Hafi ya batatu muri batanu mu bagore bakennye ku isi baba muri Afurika yo munsi y’ubutayu bwa Sahara, kandi aka karere kazakomeza guturwa n’umubare munini w’abakene ku isi nyuma y’icyorezo.
Mporebuke Noel

Facebook Comments Box
Sangiza abandi iyi nkuru................

Leave a Reply

Your email address will not be published. Required fields are marked *