Ibihugu by’Afurika byasabwe kutongera gushyiraho ingamba zikomeye mu kwirinda Covid-19

Ikigo cya Afurika gishinzwe kurwanya no gukumira indwara (Afurika CDC) cyatangaje ko gushyiraho ingamba zikakaye nka guma mu rugo bitakiri inzira nziza no guhangana n’ikwirakwira rya coronavirus.

Ubu leta zirasabwa gukoresha ibigo by’ubuzima n’izindi ngamba rusange ku mibereho mu kurwanya indwara kugirango umubare w’ubwandu bwa Covid-19 bugabanuke.

Kwibanda mu gukingira abantu benshi  nabyo ni indi nama y’ingenzi igirwa leta zitandukanye zo muri Afurika nk’uko byagaragajwe mu nama iheruka y’ikigo nyafurika gishinzwe kurwanya no gukumira indwara CDC.

CDC isabye ibihugu by’Afurika nyuma y’igihe gito ibihugu byinshi by’Afurika byibasiwe n’ubwandu bushya bwa Covid-19 yihinduranyije bwiswe Omicron.

Afurika y’Epfo yavuze ko ubwiyongere  bw’abarwayi benshi ba Covid-19 mu mpera z’umwaka wa 2021 no mu ntangiriro za 2022 bwatewe n’ubwandu bushya bwa Omicron

Ibihugu byinshi byo mu majyepfo y’Afrika byabujijwe ingendo kubera ubu bwoko bushya bwa Covid-19.

Guma mu rugo ni imwe mu ngamba zo gukimira Covid-19 zabujijwe ibihugu by’Afurika
Facebook Comments Box
Sangiza abandi iyi nkuru................

Leave a Reply

Your email address will not be published. Required fields are marked *