Kuri uyu wambere abacamanza bo mu urukiko rw’Ubujurire mu gihugu cy’Ubwongereza banze guhagarika umugambi wa Leta wo kohereza abimukira bari muri iki Gihugu mu buryo butemewe mu Rwanda, uwo mwanzuro uhuye n’uwari wafashwe n’urukiko rukuru mu Bwongereza mu mpera z’icyumweru gishize.
Indege igomba kuzana abimukira bambere irahaguruka mu Bwongereza kuri uyu wa kabiri taliki ya 14 Kamena 2022.
Urukiko rw’Ubujurire rwavuze ko Leta igomba gukomeza gahunda yayo yo kohereza abimukira bageze muri iki Gihugu mu buryo butemewe n’amategeko mu Rwanda.
Abaharanira uburenganzira bwa muntu basabaga urukiko kuba ruhagaritse iyi gahunsda mbere y’uko mu kwezi gutaha haburanishwa urubanza mu mizi rugaragaza ko iyi gahunda yo kohereza aba bimukira mu Rwanda yubahirije uburenganzira bwa muntu.
Urukiko rwari rwaregewe rusaba guhagarika urugendo rw’abimukira 11, nibo byari biteganyijwe ko bagombaga koherezwa i Kigali ku ikubutiro. Gusa kuri ubu umuryango Care4Calais, uvug ko abazoherezwa mu Rwanda kuri uyu wa kabiri ari aabimukira 8 nyuma yaho abandi babonye ababahagararira mu nkiko urugendo rwabo rukaba rusubitswe.
