Birasaba kuba maso nubwo abana batazahajwe na Covid-19 nk’abakuru, kubera iki?

Impuguke muri service z’ubuzima mu Rwanda baravuga ko nubwo ubwoko bwa Covid-19 butazahaza abana, hashingiwe kubyo ubushakashatsi bugaragaza, ngo hashobora kuza ubwoko bushya bw’iki cyorezo bukibasira n’abana bato.

Mu bihugu bitandukanye ku isi icyorezo cya Covid-19 cyoretse imbaga, gusa abana ntibibasiwe cyane n’iki cyorezo. Ahanini bishingira ku kuba umubiri w’abana ukora ubudahangarwa cyane, nanone bigaterwa n’ubwoko bw’icyorezo kiriho. Gusa impuguke n’abashakashatsi ntibaremeza izindi mpamvu zifatika zigaragaza impamvu covid-19 itibasiye cyane abana.

Ugereranije Coronavirusi zabanjirije Covid-19 zibasiraga cyane abana, ariko iyi Covid-19 yo abana ntibafata cyane ugereranije n’abakuru. Prof Mutesa avuga ko ari amahirwe isi yagize ari uko iyi Covid-19 itibasira abana cyane.

Prof Mutesa Léon, umuganga, umwarimu muri kaminuza n’umushakashatsi

Prof. Mutesa ati “Niwo mwihariko w’iyi Coronavirus, kuko haba muri Africa no mu yindi migabane nta mwana urapfa azize Covid-19, keretse umwana usanzwe afite ubundi burwayi bukomeye nibo cyagezeho kikaba cyagira abo gihitanamo. Nta bushakashatsi bwimbitse burakorwa ngo bugaragaze impamvu yimbitse yerekana impamvu iyo coronavirus yo itazahaza abana.

Coronavirus ya mbere nayo itarabonewe urukingo, ntiyari ikanganye cyane kuko itakwirakwiraga byihuse. Mu 2011 haje ubundi bwoko bwa corona virusi bwiswe Merse. Iyo yo yari ifite ibimenyetso bitandukanye n’iya mbere ariko nayo ntiyakwira isi iguma mu bihugu byegeranye n’ubushinwa.

Prof Mutesa Léon, umuganga, umwarimu muri kaminuza n’umushakashatsi uri gukorana n’itsinda ry’abashakashatsi mu guhashya Covid-19 mu kigo k’igihugu cy’ubuzima RBC avuga ko Covid-19 yagaragaye bwa mbere mu bushinwa, yaje itandukanye kure n’izayibanjirije.

Yagize ati “Iyi Covid-19 ifata nk’izindi ariko ikagira umwihariko wo gukwirakwira cyane kandi vuba. Ikindi mwamenya ni uko 3% bayirwara irabazahaza cyane ku buryo byabaviramo gupfa. Igira akanyangingo kihinduranya ibintu bituma bigora kukabona no kukarwanya. Ibimenyetso by’iyi Covid-19 yangiza ingingo z’umubiri. Iyo kageze mu mubiri kakikoramo twinshi  kuburyo mu isaha imwe aka virus kamwe kaba kozemo utundi hafi ibihumbi 500. Imara ibyumweru hafi bibiri mu mubiri itaragaragaza ibimenyetso kandi umuntu akabasha kwanduza abandi.

Gusa nubwo abana batarimo kwibasirwa cyane n’ubwoko bwa Coronavirusi iriho muri iki gihe, abantu muri rusange baragirwa inama yo kutirara ngo kuko hashobora kwaduka ubwoko bushya bwa corona bwo bukibasira abana bato, cyane ko n’izabayeho zitarabonerwa umuti n’urukingo.

Integonziza@gmail.com

Facebook Comments Box
Sangiza abandi iyi nkuru................

Leave a Reply

Your email address will not be published. Required fields are marked *