Kigali: Bagiye gutangira guhabwa urukingo rwa 3 rwa Covid-19

Minisiteri y’ubuzima yemeje ko kuri uyu wa kabiri taliki 30 Ugushyingo, aribwo itangira gutanga urukingo rwa gatatu rwa Covid-19, (urukingo rushimangira).

Iyi Minisiteri itangaza ko iyi doze ya gatatu shimangira y’urukingo rwa Covid-19 itangirira mu Mujyi wa Kigali, ariko n’ibindi byiciro by’abantu bari mu ntara bikazagenda bigerwaho mu gihe cya vuba.

Uru rukingo baratngira abaruha abaturarwanda bari hejuru y’imyaka 50, n’abari munsi yayo bafite imyaka hagati ya 30 na 49 ariko bafite uburwayi budakira cyangwa bafite indwara zigabanya ubudahangarwa bw’umubiri, n’abakozi bo kwa muganga.

Urukingo rwa gatatu rutangwa nyuma y’amezi atandatu (iminsi 180) umuntu amaze gukingirwa byuzuye (ahawe doze ebyiri ku nkingo zikenera guterwa kabiri, na doze imwe ku rukingo rusaba guterwa inshuro imwe).

Ibikorwa byo gukingira bizakomeza gukorerwa mu bigo nderabuzima, mu bitaro by’uturere no mu bindi bice byateganyijwe gukingirirwamo.

Urukingo rwa gatatu rugiye gutangira gutangwa mu Rwanda mu gihe abaturage barenga miliyoni 3.3 bamaze guhabwa doze 2 z;urukingo n’abarenga miliyoni 5.9 bakaba bamaze kubona doze imwe y’urukingo.

Facebook Comments Box
Sangiza abandi iyi nkuru................

Maak 'n opvolg-bydrae

Jou e-posadres sal nie gepubliseer word nie.