Itangishaka Blaise, umukinnyi wa APR fc afungiw emu Karere ka Rubavu azira gutwara imodoka yanyoye ibisindisha. Uyu mukinnyi biravugwa ko usibye gutwara yanyoye ibisindisha yanakoze impanuka agonga umuntu utwara moto n’uwo yari ahetse.
Ikinyamakuru igihe kivuga ko uyu mukinnyi uri mubamaze igihe mu kipe y’ingabo z’igihugu yakoze aya makosa yatumye afungwa nyuma y’umukino wa Shampiyona APR FC yaguyemo miswi na Gasogi United igitego ku wa Gatanu tariki 2 Ukuboza 2022 kuri Stade ya Kigali.
Uyu mukinnyi bivugwa ko nyuma yo kugonga umumotari n’uwo yari atwaye bagakomereka mu buryo bworoheje yahise ajya kubavuza ariko inzego zishinzwe umutekano zikamufunga zimuziza gutwara ikinyabiziga yasinze.
Ubusanzwe umuntu ufashwe atwaye ikinyabiziga yasinze afungwa iminsi itanu akanishyura ibihumbi 150 by’amafaranga y’u Rwanda. Iminsi itanu y’igifungo ya Itangihska Blaise irarangira kuri uyu wa gatatu
Itangishaka Blaise abaye umukinnyi wa APR FC ufungiwe gutwara imodoka yanyoye ibisindisha nyuma ya bizimana Yanick nawe wafungiwe aya makosa muri werurwe uyu mwaka.
Itangishaka Blaise ni umwe mu bakinnyi wari witezweho byinshi n’abanyarwanda kuko yageze muri APR FC mu mwaka wi 2018 avuye mu ishuri ry’umupira w’amaguru muri Senegal rizwi nka Aspire riterwa inkunga na FC Barcelona, iri shuri yarimazemo imyaka 8 kuko yarigezemo muri 2010 avuye muri ASEC Academy.
